I ddathlu penblwydd S4C yn 30 oed fory, bydd Golwg360 yn pori drwy’r archifau i ddewis 30 o raglenni mwyaf eiconig S4C.
Dyma eich cyfle chi i gyfrannu at y drafodaeth, ac i chi rannu eich atgofion am rai o’ch hoff raglenni chi yn ystod y 30 mlynedd ddiwethaf. Byddwn ni’n adolygu rhai o’r rhaglenni yn ystod y dydd.
Enwebwch y rhaglen fwyaf eiconig i ymddangos ar S4C dros y 30 mlynedd diwethaf yn eich barn chi. Gallwch wneud hynny isod.
Y Prif Weithredwr yn dewis ei 10 uchaf
Mae Prif Weithredwr S4C, Ian Jones, wedi rhoi rhestr o’i ddeg hoff raglen yn hanes y sianel i Golwg360. Tybed sawl un o’r rhain fyddwch chi’n eu cofio?
- Joni Jones
- Sam Tan
- Hedd Wyn
- Alys
- Rhosyn a Rhith
- Y Ras yn erbyn Amser
- Un Nos Olau Leuad
- Y Byd ar Bedwar
- Teulu’r Mans
- Pobol y Cwm
