'Fi Neu'r Ci'
‘Fi Neu’r Ci’ yw ymgais ddiweddaraf S4C i ddod â Chymry sengl at ei gilydd.
Ond yn wahanol i’r sioe ddêtio gonfensiynol, bwriad y gyfres yma yw dod o hyd i gymar delfrydol y cystadleuydd drwy fynd ar ddêt gydag anifail anwes.
“Mae ‘Fi Neu’r Ci’ yn anelu at ddarganfod a yw hi’n bosib dewis partner yn ôl ei anifail anwes,” medd tudalen ‘Facebook’ y rhaglen.
“Fe fydd y rhaglen yn gofyn i’r cystadleuydd fynd ar ddêt gyda thri anifail anwes; gall yr anifeiliaid fod yn unrhyw beth o gath i gwningen i grocodeil!
“Wedyn, bydd rhaid iddynt ddewis eu hoff anifail ac o ganlyniad i hyn, fynd ar ddêt gyda’r perchennog lwcus!”
Yn ôl y dudalen, bydd ‘Fi Neu’r Ci’ yn ymddangos ar S4C ym mis Ionawr 2013.
