Craig Roderick, chwith, ac Apete Tuisovurua gafodd eu lladd yn Afghanistan
Fe fydd angladd milwr gafodd ei ladd mewn ymosodiad yn Afghanistan yn cael ei gynnal heddiw.
Cafodd y gwarchodfilwr Craig Roderick, 22, o Gaerdydd, oedd yn aelod o Fataliwn 1af y Gwarchodlu Cymreig, ei ladd wrth ymyl siecbwynt ar 1 Gorffennaf.
Wrth adael y siecbwynt yn Kamparack Pul fe fu ymosodiad ar y patrol gan ddyn yn gwisgo lifrai heddlu Afghanistan, a chafodd Craig Roderick ei ladd ynghyd a’r gwarchodfilwr Apete Saunikalou Ratumaiyale Tuisovurua, 28, oedd hefyd yn aelod o’r Gwarchodlu Cymreig, a Leonard Perran Thomas, 44, o Gorfflu Brenhinol y Signalau.
Fe fydd yr angladd yn cael ei gynnal yn Eglwys Gadeiriol Llandaf, a gwasanaeth i ddilyn yn amlosgfa Thornhill, Caerdydd.
