Mae arolwg wedi ei wneud i geisio dod o hyd i ardaloedd sydd ar drothwy tlodi ym Mhrydain.
Yng Nghymru, Conwy yw’r ardal gyda’r nifer fwyaf o gartrefi sydd yn fwyaf tebygol o fod mewn tlodi os yw’r sefyllfa economaidd yn gwaethygu, yn ôl ymchwiliad diweddar gan Experian.
Mae’r ganran isaf – 7% – yng Nghaerdydd ac Abertawe.
Daeth Conwy yn safle rhif 36 ar y rhestr o 406 o siroedd ym Mhrydain, gyda 23% o dai yr ardal ar drothwy tlodi.
Bwriad Experian, cwmni gwasanaethu gwybodaeth, yw amlinellu’r ardaloedd hynny sydd ar fin bod mewn cyflwr o dlodi.
Os bydd y sefyllfa economaidd yn gwaethygu, mae disgwyl i lawer o’r ardaloedd sydd yn uchel ar y rhestr fod mewn perygl o dlodi, yn ôl y gwaith ymchwil.
Dydi’r ymchwiliad ddim yn cyfrif y teuluoedd hynny sydd eisoes yn byw mewn tlodi.
% y teuluoedd mewn perygl o dlodi
Dyma restr o siroedd Cymru sydd, yn ôl Experian, yn wynebu’r her fwyaf i osgoi tlodi yn sgil anhawsterau’r economi.
1. Conwy – 23%
2. Powys – 21%
3. Torfaen – 21%
4. Gwynedd – 20%
5. Pen-y-bont ar Ogwr – 20%
6. Sir Ddinbych – 20%
7. Sir Gaerfyrddin – 19%
8. Sir Benfro – 17%
9. Wrecsam – 17%
10. Blaenau Gwent – 16%
11. Sir y Fflint – 16%
12. Sir Fôn – 16%
13. Caerffili – 15%
14. Ceredigion – 13%
15. Rhondda Cynon Taf – 13%
16. Sir Fynwy – 13%
17. Casnewydd – 12%
18. Nedd Port Talbot – 11%
19. Bro Morgannwg – 9%
20. Merthyr Tudful – 8%
21. Abertawe – 7%
22. Caerdydd – 7%
