James Hook
Awstralia 10 Cymru 3
Mae Cymru wedi gorfod gweithio’n galed yn ystod hanner cyntaf eu gêm brawf yn erbyn Awstralia er mwyn cadw’r sgôr yn un parchus ar hanner amser.
Ond mae ’na obaith dal yn eu calonnau ar ôl iddyn nhw lwyddo i wrthsefyll pwysau aruthrol gan y Wallabies.
Higginbotham wnaeth sgorio cais i Awstralia ac mae wedi edrych yn beryglus iawn. Mae Barnes a Genia hefyd wedi edrych yn hyderus a phenderfynol.
Dydi’r Cymry ddim wedi edrych yn gyffyrddus ac mi fydd yn rhaid iddyn nhw wella gryn dipyn os ydyn nhw am wireddu eu breuddwyd o guro Awstralia.
Mae Cymru hefyd wedi colli George North sydd wedi ei anafu, gyda James Hook yn dod ymlaen yn ei le i chwarae fel cefnwr.
