Sêr chwaraeon yn arwain yr Orsedd ar newydd wedd

Shane Williams
Sêr chwaraeon yw’r enwau amlyca’ i gael ymuno â Gorsedd yr Eisteddfod Genedlaethol – a’r rhai cynta’ mewn trefn newydd o wisgoedd.

Mae dau chwaraewr rygbi a dau gyn-chwaraewr pêl-droed yn cael eu hurddo i’r Wisg Las ynghyd â Phrif Weinidog Cymru.

O hyn ymlaen fydd dim gwahanol lefelau ar gyfer aelodau newydd ac fe fydd lliw’r wisg yn dibynnu ar faes yr aelod.

Fe fydd y Wisg Werdd ar gyfer pobol o faes y celfyddydau a rhai o enillwyr yr Eisteddfod ei hun.
Fe fydd y Wisg Las ar gyfer pobol o feysydd eraill a’r Wisg Wen yn cael ei chadw i enillwyr prif wobrau’r Eisteddfod.

Cyn hyn, roedd dwy lefel o aelodaeth a rhai’n cael eu dyrchafu o un i’r llall. Fydd hynny ddim yn digwydd bellach – y nod oedd cael trefn fwy cyfartal.

Huw Stephens
Yr aelodau amlwg newydd

Shane Williams a Stephen Jones yw’r ddau chwaraewr rygbi – y naill yn brif sgoriwr ceisiau Cymru ac yn ymddeol ar ôl gêm y Barbariaid ddydd Sadwrn, a’r llall wedi cael 104 o gapiau a bod yn ffigwr allweddol gyda rhanbarth y Scarlets.

Y ddau gyn-flaenwr rhyngwladol, John Hartson ac Iwan Roberts, yw’r ddau bêl-droediwr a’r ddau erbyn hyn yn ennill eu bara menyn trwy sylwebu.

Mae’r tenor ‘Eidalaidd’ Wynne Evans a Linda Griffiths, cantores Plethyn gynt, ymhlith y cerddorion sy’n derbyn y Wisg Werdd, a Huw Stephens y cyflwynydd Radio 1.

Flynyddoedd ar ôl iddi roi’r gorau i rôl Megan yn Pobol y Cwm, mae’r actores Lisabeth Miles hefyd yn ennill y Wisg Werdd.

Gwisg Las sydd i Carwyn Jones, y Prif Weinidog, ac mae pwyslais ar ei “ddiddordeb eang” yntau ym myd chwaraeon, “yn enwedig rygbi”.

Y rhestr lawn er anrhydedd

Gwisg Las

Eurfyl Bowen, Pontyberem, gweithiwr Eisteddfod

Betsi Griffiths, cyn-bennaeth Ysgol Gymraeg Tonypandy

Gwenda Griffith, teledu – cwmni Fflic

William Irfon Griffiths, Comnins Coch, Aberystwyth, gwenynwr

John Hartson, cyn bêl-droediwr rhyngwladol

Bethan Wyn Jones, naturiaethwraig

Carwyn Jones, Prif Weinidog

Elin Ellis Jones, seiciatrydd