John Roderick Rees
Bydd y ddwy goron enillwyd gan y diweddar Brifardd John Roderick Rees yn Eisteddfodau Cenedlaethol Llanbedr Pont Steffan 1984 a’r Rhyl 1985, i’w gweld mewn arddangosfa arbennig amdano yn Amgueddfa Ceredigion yn Aberystwyth y mis nesaf.
Cafodd y coronau eu cyflwyno i’r amgueddfa gan Angela Edwards, ffrind John Roderick Rees a fu farw yn 89 oed yn 2009.
Roedd yn byw ym Mhenuwch ger Tregaron ac roedd y bryddest fuddugol yn Llanbed yn sôn am y dirywiad yng nghefn gwlad oherwydd mewnfudo.
Roedd y gerdd fuddugol yn y Rhyl yn deyrnged i’w fam faeth Jane Mary Walters ar ôl iddo golli ei fam ei hun yn ddwyflwydd oed.
Dim ond John Roderick Rees a Bryan Martin Davies (1971 a 1971) sydd wedi ennill dwy goron yn olynol ers diwedd yr Ail Ryfel Byd.
