Mae aelod o staff Clwb Pêl-droed Caerdydd wedi profi’n bositif ar gyfer y coronafeirws.
Dydy’r clwb ddim wedi enwi’r unigolyn dan sylw.
Daw’r newyddion yn dilyn cyfres o brofion ar gae ymarfer y clwb ym Mro Morgannwg yn ystod yr wythnos.
Bydd yr unigolyn yn hunanynysu yn unol â chanllawiau’r Gynghrair Bêl-droed a Llywodraeth Prydain.
Mae chwaraewyr y clwb yn parhau i ymarfer ar ôl dychwelyd i’r cae ymarfer yr wythnos ddiwethaf.
