Mae Storm Ciara yn achosi trafferthion i deithwyr ledled Cymru, gyda gwyntoedd cryfion ar eu hanterth yn cyrraedd cyflymdra o 75 milltir yr awr.
Mae’r Swyddfa Dywydd wedi cyhoeddi rhybudd melyn ym mhob cwr o’r wlad, a hwnnw mewn grym tan 6 o’r gloch heno yn sgil glaw trwm a than 9 o’r gloch yn sgil y gwyntoedd cryfion.
Mae oedi i deithwyr ar drenau, ac maen nhw’n cael eu cynghori i wirio trefniadau cyn teithio.
Fe fydd teithiau fferi o Iwerddon hefyd yn cael eu heffeithio, wrth i gefnogwyr rygbi ddychwelyd i Gymru ar ôl bod yn Nulyn.
Yn ôl Cyfoeth Naturiol Cymru, dylai pobol ar hyd arfordir Cymru fod yn wyliadwrus.
Mae Pont Britannia ynghau yn y gogledd, ynghyd â phontydd Cleddau yn Sir Benfro, Llansawel ger Abertawe a phont Hafren yr M48.
Mae sawl parc ynghau yng Nghaerdydd.
#StormCiara 🌬️ Gyda Storm Ciara yn debygol o ddod a gwyntoedd cryfion o 90mya ar ddydd Sul, mae Trafnidiaeth Cymru a Network Rail yn dymuno annog ein cwsmeriaid i wirio ei taith cyn iddynt deithio.https://t.co/LYAerroChU pic.twitter.com/UN0K63o2PV
— Trafnidiaeth Cymru Trenau Transport for Wales Rail (@tfwrail) February 8, 2020
#StormCiara 🌬️ Gyda Storm Ciara yn debygol o ddod a gwyntoedd cryfion o 90mya ar ddydd Sul, mae Trafnidiaeth Cymru a Network Rail yn dymuno annog ein cwsmeriaid i wirio ei taith cyn iddynt deithio.https://t.co/LYAerroChU pic.twitter.com/UN0K63o2PV
— Trafnidiaeth Cymru Trenau Transport for Wales Rail (@tfwrail) February 8, 2020