Mae Heddlu’r De wedi cadarnhau mai corff Brooke Morris gafodd ei ddarganfod yn Afon Taf ger Abercynon ddydd Mercher (Hydref 16).

Doedd Brooke Morris, 22 oed, o Drelewis heb gael ei gweld ers dydd Sadwrn, Hydref 12.

Bu’r heddlu’n chwilio  afonydd yr ardal fel rhan o’u hymchwiliad i ddiflaniad Brooke Morris.

Mae’r crwner wedi cael ei hysbysu ac mae disgwyl i archwiliad post mortem gael ei gynnal i geisio darganfod achos ei marwolaeth.

Mae swyddogion arbenigol yn parhau i roi cymorth i deulu Brooke Morris.