Fe allai 70 mm o law ddisgyn tros rannau o Gymru heddiw, ac mae rhybuddion am lifogydd posib yn:
Yr ardaloedd o gwmpas Afon Conwy o Ddolwyddelan i Gonwy;
Yr ardaloedd o gwmpas Afon Dysynni, o Dywyn i Fachynlleth;
Llyn Efyrnwy a Dyffryn Tanat;
Yr ardaloedd o amgylch Afon Dyfi, gan gynnwys Machynlleth;
A’r ardaloedd o amgylch Afon Mawddach.
Yn ôl rhybudd gan Gyfoeth Naturiol Cymru fe allai’r llifogydd daro cartrefi a busnesau, ac mae disgwyl i’r glaw greu amodau gyrru anodd i deithwyr mewn ceir.
