Mae Plaid Cymru wedi troi at wefan gymdeithasol Twitter i egluro pam na fydd yr aelodau yn San Steffan yn cefnogi cynllun ymadael Theresa May.
Maen nhw’n cefnogi cynnal Pleidlais y Bobol, er mwyn rhoi’r hawl i drigolion gwledydd Prydain ddweud be’ ddylai ddigwydd nesa’ yn y broses o ymadael â’r Undeb Ewropeaidd.
Heddiw, (dydd Mawrth, Mawrth 12) fe fu arweinydd y grŵp yn Nhŷ’r Cyffredin, Liz Saville Roberts, yn dweud na allai hi byth bythoedd gefnogi dêl a fyddai’n gwneud Cymru’n dlotach.
Mae’n dal i ddweud bod angen i Brydain aros o fewn y Farchnad Sengl a’r Undeb Tollau.
Bydd Plaid Cymru yn pleidleisio yn erbyn y Cytundeb Ymadael.
???????Bydd gadael y Farchnad Sengl a'r Undeb Tollau yn niwedio busnesau a gweithwyr.
?Dileu hawl pobl Cymru i fyw, gweithio ac astudio mewn gwledydd ar draws Ewrop.
?️Angen ymestyn Erthygl 50 i gynnal Pleidlais y Bobl. pic.twitter.com/jeMsknhPAm
— Plaid Cymru (@Plaid_Cymru) March 12, 2019
