Mae Prif Weinidog Cymru, Carwyn Jones yn dweud ei fod e wedi’i “frawychu” gan gyflafan Pittsburgh.
Daw ei sylwadau ar ei dudalen Twitter ar ôl i 11 o bobol gael eu lladd mewn synagog wrth i wasanaeth i enwi plentyn gael ei gynnal yn yr adeilad.
Mae Robert Bowers yn wynebu 29 o gyhuddiadau, gan gynnwys 11 achos o ddefnyddio dryll i lofruddio, troseddau arfau, a chyhuddiadau’n ymwneud ag anafu plismyn yn ddifrifol.
Cafodd chwech o bobol eu hanafu yn y digwyddiad yn ardal Squirrel Hill, ond doedd dim plant yn eu plith.
Fe’m brawychwyd gan lofruddiaeth 11 o bobl ddiniwed mewn Synagog ym Pittsburgh.
Rwy’n cydymdeimlo â phawb sydd wedi’ effeithio gan y weithred wirioneddol farbaraidd hon o derfysgaeth.
Cofiwch, mae llawer mwy yn ein huno na sy’n ein rhannu. Ni allwn ganiatáu i derfysg ennill.
— Carwyn Jones (@fmwales) October 28, 2018
