Daeth cadarnhad mai Llywydd y Cynulliad ac Aelod Cynulliad Ceredigion, Elin Jones yw Cadeirydd Eisteddfod Genedlaethol Ceredigion 2020, a fydd yn cael ei chynnal yn Nhregaron.
Y cyfarwyddwr cysylltiadau cyhoeddus, Deian Creunant yw’r Is-gadeirydd, ac mae cyn-Brif Weithredwr Cyngor Ceredigion, Bronwen Morgan wedi’i henwi’n Ysgrifennydd.
Cafodd y penodiadau eu cyhoeddi mewn cyfarfod yn Ysgol Uwchradd Aberaeron fore heddiw.
Mae Plaid Cymru Llambed wedi troi at wefan gymdeithasol Twitter i longyfarch Elin Jones.
Llongyfarchiadau i un o’n pobol leol – sydd hefyd yn Aelod Cynulliad arnom ac yn Llywydd y Cynulliad – ac gael ei phenodi yn Gadeirydd @eisteddfod 2020. Edrychwn ymlaen at y paratoadau a’r trefnu dan gyfarwyddyd y swyddogion, @ElinCeredigion @Creunant a Bronwen. https://t.co/DnP4hn0xIJ
— Plaid Cymru Llambed (@Plaid_Llambed) October 13, 2018
