Beirniadu ITV Cymru am ddarlledu cyfweliad gyda Katie Hopkins

Mae ITV Cymru wedi cael eu beirniadu am gynnal cyfweliad â’r newyddiadurwraig ddadleuol, Katie Hopkins.

Mae’r ffigwr wedi ennyn tipyn o feirniadaeth am eu hymgyrch yn erbyn addysg Gymraeg, ac am gyhuddo Llywodraeth Cymru o orfodi’r iaith ar blant.

A bellach mae wedi dod i’r amlwg ei bod wedi’u chyfweld ar gyfer rhaglen Byd yn ei le – rhaglen sy’n cael ei gyflwyno gan Guto Harri, ei gynhyrchu gan ITV Cymru, a’i ddarlledu ar S4C.

Dechreuodd y dilyw diweddaraf o feirniadaeth ar dydd Mawrth (Medi 25) pan bostiodd Katie Hopkins neges ar Twitter yn diolch ITV Cymru.

https://twitter.com/KTHopkins/status/1044593697256615936

Yn sgil hynny fe ymatebodd Leanne Wood, Arweinydd Plaid Cymru, trwy geryddu ITV Cymru a Guto Harri am “rhoi ocsigen i ledaenwr casineb peryglus”.

https://twitter.com/LeanneWood/status/1044639050240528386

Ymatebodd Guto Harri i hynny trwy fyny nad yw’r rhaglen wedi “rhoi llwyfan” i’r ffigwr, gan ddweud mai eu nod yw “holi a herio ffigurau dylanwadol (hoff neu atgas)”.

https://twitter.com/Guto_Harri/status/1044714785680633857

Mae hefyd wedi diolch Katie Hopkins am y cyfweliad, “ac am gytuno i dreulio wythnos yn trio dysgu’r Gymraeg”.

https://twitter.com/Guto_Harri/status/1044662469032124422

Daw rhagor o feirniadaeth gan y newyddiadurwr i’r Guardian, John Harris, sydd wedi rhybuddio bod newyddion teledu yn troi’n “bantomeim”.

https://twitter.com/johnharris1969/status/1044849629534269441

Bydd Katie Hopkins yn ymddangos ar Byd yn ei le ar S4C ar dydd Mawrth (Hydref 2).