Mae wyth person a chi wedi cael eu hachub o dân mewn tŷ yn Abertawe.
Cafodd chwe chriw o ddiffoddwyr tân eu hanfon i ddiffodd y tân ar Ffordd Brynmor, Uplands, ddydd Llun (Gorffennaf 23).
Mae pedwar o’r bobol a gafodd eu hachub wedi’u cludo i’r ysbyty.
Yn ôl Gwasanaeth Tân ac Achub Canolbarth a Gorllewin Cymru, dechreuodd y tân tua 6.50yb ac roedd wedi’i ei ddiffodd erbyn 8.52yb.
Cafodd yr Heddlu a’r gwasanaeth ambiwlans eu hanfon yno hefyd.
