Andrew RT Davies
Mae Andrew RT Davies, arweinydd newydd y Ceidwadwyr Cymreig, wedi datgelu ei gabinet newydd.
Mae arweinydd dros dro’r blaid, Paul Davies, wedi ei benodi yn Ddirprwy Arweinydd a llefarydd cyllidol yr wrthblaid.
Mae Nick Ramsay, gwrthwynebydd Andrew RT Davies yn y ras am yr arweinyddiaeth, wedi ei benodi yn llefarydd yr wrthblaid ar fenter a busnes.
Mae Angela Burns yn cadw’r portffolio addysg a Darren Millar yn llefarydd y blaid ar iechyd.
Y rhestr lawn
Paul Davies – Dirprwy arweinydd, Cyllid
Mohammad Asghar –Chwaraeon a chydraddoldeb
Angela Burns – Addysg
Byron Davies – Trafnidiaeth, Chwip
Suzy Davies – Cymraeg a Diwylliant
Janet Finch-Saunders – Llywodraeth Leol
Russell George – Amgylchedd
William Graham – Busnes, Prif Chwip
Mark Isherwood – Gogledd Cymru, Cyfiawnder Cymdeithasol a Thai
Darren Millar – Iechyd a Gwasanaethau Cymdeithasol
Nick Ramsay – Menter a Busnes
Antoinette Sandbach – Materion Gwledig
David Melding – Dirprwy Lywydd y Cynulliad
‘Dewis amgen’
Dywedodd Andrew RT Davies fod “cabinet yr wrthblaid yn gwneud y gorau o gefndiroedd a phrofiad ein haelodau”.
“Mae’n gabinet a fydd yn gweithio yn ddiflino er mwyn gwneud beth sydd orau i bobol Cymru.
“Rydyn ni ar ochor unrhyw un sy’n pryderu am ein busnesau, ein gwasanaeth iechyd gwladol, ein system addysg ac ein hamgylchedd.
“Ein swyddogaeth ni yw archwilio Llywodraeth Cymru, a chynnig dewis amgen er mwyn codi safonau addysg, buddsoddi yn y gwasanaetha iechyd gwladol, ac annog entrepreneuriaeth.
“Rydyn ni’n parhau yn barod i gydweithio gyda phleidiau eraill er y bydd cenedlaethol.
“Ein neges i bob un o bobol Cymru ydi: Rydyn ni ar eich ochor chi. Rydyn ni’n ymroddedig i gael canlyniadau. Rydyn ni’n benderfynol o wella Cymru.”
