Eisteddfod yr Urdd – ‘angen ysgafnhau’r baich ar athrawon’

Cadeirydd y Pwyllgor Gwaith eleni’n galw am atebion newydd

26 Mai 2011

Mae Cadeirydd Pwyllgor Gwaith Eisteddfod yr Urdd yn Abertawe yn dweud fod angen meddwl am leihau baich yr ŵyl ar athrawon.

Mae angen ffyrdd newydd o hyrwyddo a hyfforddi cystadleuwyr yn yr Urdd heb ddibynnu’n ormodol ar athrawon, meddai Dyfrig Ellis.

Mae wedi dweud wrth gylchgrawn Golwg bod y gwaith o hyfforddi plant ar gyfer yr Urdd yn faich ychwanegol ar athrawon erbyn hyn, gan fod y swydd ei hun wedi newid llawer yn ystod y blynyddoedd diwethaf.

“Mae mwy a mwy o alw ar athrawon i gynnal rhyw glwb neu’i gilydd ar ôl ysgol, neu i fynd ar dripiau addysgol ac ati,” meddai Dyfrig Ellis, sy’n bennaeth ar Ysgol Gymraeg Lôn Las yn Abertawe.

“Mae natur y swydd wedi newid ac mae hyn yn arbennig o wir wrth feddwl am Eisteddfod yr Urdd a’r gwaith sydd angen ei wneud gyda’r plant.”

Y stori’n llawn yn rhifyn yr wythnos yma o Golwg

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

14 sylw

CGT 26 Mai 2011, 20:47

Mae ysgolion yn mwydro gyda steddfod yr Urdd, ar drael addysg plant yn aml. Lleiafrif o blant sy’n hoffi canu go iawn , ac mae gor-bwyslais yr urdd ar gystadlu yn gwneud drwg mawr i ddelwedd y mudiad gyda plant yn eu hardddegau. Mae’r gynffon yn ysgwyd y ci.

angharad 27 Mai 2011, 16:25

Yn sicr bod angen ei rhyddhau o’r dyletswydd hyn eto …. maent yn cael cyn lleied o wyliau erbyn hyn. Efallai bod gwell ei rhyddhau o ddysgu hefyd …. andros Dafydd – cyflog wych, gwyliau hirfaith, rhyddid o ddysgu pan bydd dyddiau hyfforddi pan bydd pawb arall yn gwneud hyn yn ystod eu horiau rhydd — what a life!

Maldwyn Price 27 Mai 2011, 20:42

Angharad – yn llygad eich lle — mae’r wlad yma fel petai yn cael ei rheoli gan ddymuniad athrawon – rhaid i’r byd i gyd i stopio pan bydd hanner tymor – er enghraifft! Mae’r gweddill ohonom yn dal i weithio felly pam dylid stopio Ysgolion Sul, clybiau ieuenctid, grwpiau tarfod ayyb oherwydd bod athrawon ar ei gwyliau! Petai’n plant yn gadael ysgol wedi cael ei trwytho mwwn addysg byddai’n un peth …. gwych iawn Angharad – daliwch ati, ‘rwy 100% tu nol i chi.

Maldwyn Price 27 Mai 2011, 22:46

GCT – cytuno – mae addysgu ein plant mor ddifrifol wael – dylid hepgor pethau fel yr Urdd — byddai llawer gwell treulio wythnos nesaf yn dysgu!

Gwenllian 28 Mai 2011, 13:35

Mae angen i’r pennaeth ysgol Dyfrig Ellis edrych o gwmpas a gweld beth mae eraill yn ei wneud – o eliaf mae atharwon yn cael eu talu ar arddaf rhyfedd o uchel. Tebyg bod Dyfrig Ellis yn cale ei dalu mwy fel pennaeth na nifer o nyrsus, meddygon iau, darlithwyr coleg, milwyr yn y fyddin, nifer fawr i gyfreithwyr a chfrifyddion, bancwyr hyd at lefel ganolig …. ac yn cael andros o wyliau, dyddiau hyfforddi yn rhydd o waith (tra bod eraill yn gwned hyfforddiant dros benwythnosau) …. diolch i Angharad Mair am ddod a’r cyfan hyn i’r amlwg yn Golwg. Pwy mae athrawon yn meddwl ydynt?

Gwenllian 29 Mai 2011, 13:43

Beth sydd wedi digwydd? Rown i am ymateb i sylwadau Maldwyn – a wnaeth fy ngwylltio rhywfaint! – ond maint wedi eu tynnu i ffwrdd. Roedd ganddo bwyntiau – er mod i yng anghytuno – sy’n bwyntiau sy’n cael eu dal gan ganran uchel o bobl felly roedd yn briodol eu gweld – pe byddai ond er mwyn anhytuno.

morfudd 31 Mai 2011, 23:51

Rhaid i mi gyfaddef mod inne’n cytuno a’r uchod. Bu amser pan roedd pawb yn edrych i fyny at athrawon ond erbyn heddiw ond am yr ychydig fel Mathew Evans yn Gartholwg, a Delyth Medi Jones yn Glantaf go brin yr atharwon a a’r ail filltir. Pan byddant yn achwyn am bensiynau ac ati – a ydynt wedi oedi a meddwl cystal byd y maent yn eu gael. Er mod i bellach wedi ymddeol fedra i ddim llai na meddwl cymaint a wnaeth athrawon i mi yn fy mhlentyndod.

Elan G Muse 1 Mehefin 2011, 12:27

Bed’r deal efo pawb yn lladd ar athrawon dyddia yma? Swnin licio gweld y rhai uchod yn treulio un dwrnod fatha athrawon, sanwn cael sioc ar ei tina! Pwy da chi i ddeud fod y gwaith yn hawdd a’u bod nhw yn cael gormod i wylia? Os di’n job mor gret pam bo chi i gyd ddim yn athrawon?

CGT 1 Mehefin 2011, 12:37

Y pwynt ydi mai gwirfoddol yw gwaith gyda’r Urdd – ac yna mae athrawon yn cwyno amdano, ac mae addysg disgyblion yn dioddef oherwydd ymarferion di-ben draw. Yn aml iawn, mae addysg disgyblion nad ydynt yn dymuno cystadlu gyda’r Urdd yn dioddef oherwydd fod yr athrawon mewn cornel gyda’r cor,parti llefaru ayb.

Gwenllian 2 Mehefin 2011, 00:25

Modlen – fel mae digwydd rwy wedi bod yn athrawes – hyd 2004 pan wnes i ymddeol. Felly rwy’n credu bod genny’ hawl i ddweud pa synnwyr bod ni’n mynd a diwrnod o addysgu plant er mwyn bod ar ddiwrnod hyfforddi – gallwn wneud hynny adeg y gwyliau hirfaith yma roeddem yn ei gael; mae fy ngwr yn Uwch Ddarlithydd mewn Prifysgol lle mae’n gorfdo gwneud gwaith ymchwil, gweinyddu a darlithio am £5k llai na beth yr oeddwn i’n cael fy nhalu am fod yn Bennaeth Adran a rhyw 100 disgybl ymhob blwyddyn – mae e’n darlithio i 325 ym Mlwyddyn 1; oherwydd pwysau i ennill grantiau (disgwylir i bob aelod staff ddod i mewn, ar gyfartaledd, a rhyw £250k y flwyddyn, pan na fydd yn dysgu prin mae yn medru cymryd mwy an rhwy 2-3 wythnos o wyliau y flwyddyn gan mai yn ystod yr amser rhwng y tymhorau dygsu y ceiff amser i ysgolheictod. ‘Rwy’n credu bod genny berffaith hawl fel cyn athrawes i ddweud bod dysgu bellach yn real ‘cushy job’. Ac fel un oedd bob amser yn hyfforddi ar gyfer Eisteddfodau a Chorau wedi i’r ysgol gau neu ar Foreau Sadwrn mae gan CGT bwynt rhyfedd o bwysig.

Gwyndaf 2 Mehefin 2011, 21:16

Diolch am fod mor onest Gwenllian – rhaid i mi gyfaddef fel un sydd yn dal i dysgu mae llawer iawn o beth ddywedwch yn wir. Nid oes gennym le i achwyn; pe byddem yn dysgu yn yr UDA byddai unrhyw wyliau sydd gennym ar ben y cyfartaledd arferol – dyweder rhyw 6 wythnos – yn ddid-dal. Mae’n byd yn dda iawn.

Angharad 4 Mehefin 2011, 09:50

Mae’n braf bod y sylwadau hyn yn cael eu datgan. Am ormod o amser mae’r boblogaeth wedi bod yn dal nol rhag dweud yr hyn a deimilr am yr holl wyliau, dyddiau bant ac ati y derbyn athrawon. Mewn cyfnod o gynni mae angen i bawb weithio i gael ein gwlad yn ol i drefn. Diolch Gwenllian, Maldwyn Gwyndaf.

Llifon 12 Gorffennaf 2011, 19:07

Rwy’n athro. Ac yn hyfforddi disgyblion ar gyfer cystadlu’n yr Urdd. Ac ar fin cychwyn 6 wythnos o “wyliau” gyda thal.

Ond yn ystod y 6 wythnos hwn, byddaf, fel canran uchel o athrawon, yn gweithio a pharatoi ar gyfer y flwyddyn sydd i ddod. Mae’r dyletswyddau a’r cyfrifoldebau sy’n pwyso’n drwm ar ysgwyddau athrawon yn trymhau’n flynyddol. Mae’r pwysau gwaith, rhieni, canlyniadau, strategaethau a pholisiau di ddiwedd, toriadau mewn swyddi ac ati yn peri straen a phoen i nifer ohonom. (nid i ddweud bod hyn ond yn wir am athrawon, wrth reswm.)

Tristwch yw gweld sut mae rhai yn gweld bod ganddynt yr hawl i bardduo enw da athrawon gweithgar gyda’r sylwadau uchod. Oes, mae gennym le i ddiolch am y manteision sydd o fod yn y proffesiwn ac oes mae RHAI yn cwyno’n ormodol, ond mae’r cyfrifoldebau sy’n cyd-fynd a’r swydd yn hynod o uchel.

“diwrnod hyfforddi allan o waith” – diwrnod di gyswllt o waith ydy hwn wedi’r cyfan.

“cushy job”? Rhaid cyfaddef, mi chwerthais. Mae athro DA yn gweithio’n hynod o galed ac am oriau hir a hynny er mwyn ceisio cynnig dyfodol gwell i’n plant ni – rwy’n siomedig nad yw’r uchod yn sylweddoli hyn.

Peryg’ yw paentio pawb a’r un brwsh.

Athro 12 Gorffennaf 2011, 20:02

Son am griw o bobl sy’n meddwl eu bod nhw’n gwybod popeth. Yr holl wyliau? Dwin treulio pob hanner tymor yn marcio gwaith disygblion. Ydych chi’n gallu treulio diwrnodiau cyfan yn edrych ar traethodau hir disgyblion y 6ed neu pentwr o aseiniadau bler disgyblion blwyddyn 9? Gyda’r nosau ar ol gwaith rydw i’n paratoi gwersi, paratoi adnoddau newydd, gosod targedau newydd i ymestyn disgyblion hyd gorau eu gallu. Yn osygtal a hynny dwin helpu i diweddaru cynlluniau gwaith yr adran, sicrhau fod iechyd, gofal a lles fy nosbarth cofrestru yn iawn. Rydw i’n delio hefo plant sydd yn gwneud niwed i’w hunain ac yn gorfod eu helpu drwy cyfnodau anodd. Da ni’n gorfod mynychu cyfarfodydd ar ol ysgol, mynychu noson rhieni a gweld rhieni dros 60 o blant a hynny ar gyfer blynyddoedd 7-11- yr wythnos dwythaf roeddwn i mewn noson rhieni tan 8pm ac yn gorfod trafelio dros awr i gyrraedd adref- felly ar ol gadael ty am 7:15am a dychwelyd 9:30 ydy hyn yn hawdd? Rydw i wedi gweithio mewn ffatrioedd afiach yn gweithiau shifftiau nos 12 awr am wythnosau dibendraw er mwyn cadw fy hun yn y coleg ac fedrai ddeud hefo fy llaw ar fy nghalon mae dysgu yn LOT anoddach. Yna yng ngwyliau’r haf rydw i’n mynd i mewn i’r ysgol. Paratoi fy ystafell ar gyfer y flwyddyn newydd yn addysgu- edrych ar gwersi llynedd ac hunanasesu fy ngwersi, addasu fy ngwersi i cyd-fynd a gofynion newydd estyn. A dydw i’m yn rhestru hanner y pethau rydw i’n gwneud.

Ac i Gwenllian- mae’r byd addysgu wedi newid lot ers 2004. Dydy’r swydd ddim yn recriwtio pobl diog dim mwy. O ran eich gwr yn darlitho am llai o arian- ydy o’n gorfod ysgogi bechgyn 15 oed sydd ar gyffuriau yn rhegi yn di-ben draw ac weithiau yn bygwth athrawon? Nac ydy siwr! Mae o yn darlitho i myfyrwyr sydd eisiau bod yno!

Treuliwch tymor cyfa fel athro a fe cewch weld. Son am bobl twp!

Mae’r sylwadau wedi cau.

Eisteddfod yr Urdd – ‘angen ysgafnhau’r baich ar athrawon’

Cadeirydd y Pwyllgor Gwaith eleni’n galw am atebion newydd

Poblogaidd

← Stori flaenorol

Stori nesaf →

Hefyd →

14 sylw