Mae adroddiad newydd yn nodi fod sefydlu’r corff Cymraeg cenedlaethol y llynedd wedi bod yn llwyddiannus wrth hybu addysg Gymraeg i oedolion.
Cafodd y Ganolfan Dysgu Cymraeg Genedlaethol ei sefydlu ym mis Ionawr 2016 i “symleiddio’r ddarpariaeth”.
Un o gamau cynta’r endid oedd creu 11 o ddarparwyr Cymraeg i Oedolion yn hytrach na’r chwe chanolfan rhanbarthol oedd yn bodoli cyn hynny.
Mae adroddiad Estyn yn nodi fod y ganolfan wedi darparu “cyfeiriad strategol clir i’r holl ganolfannau” ac wedi gwneud cynnydd o ran “datblygu’r cwricwlwm, casglu data ac asesu.”
Argymhellion
“Rydw i’n falch fod y Ganolfan Genedlaethol wedi ad-drefnu’r sector Cymraeg i Oedolion yn effeithiol a’i bod yn mynd i’r afael â’r heriau allweddol sy’n wynebu’r sector,” meddai’r Prif Arolygydd, Meilyr Rowlands.
“Mae gwaith strategol y Ganolfan Genedlaethol yn gam pwysig wrth greu cenedl ddwyieithog a chynorthwyo oedolion i wella eu medrau Cymraeg gartref ac yn y gweithle.”
Er hyn, mae’r adroddiad yn argymell gwella dealltwriaeth pobol o’r trefniadau newydd a mireinio strategaeth farchnata i dargedu mwy o ddarpar ddysgwyr.
