Mae llanc 17 oed wedi cael ei arestio ar ôl ymosod â chyllell ar ddau ddyn yng Nghaerdydd.
Cafodd y ddau anafiadau difrifol, ac mae un ohonyn nhw’n parhau mewn cyflwr difrifol yn yr ysbyty.
Mae’r llall bellach wedi cael mynd adref.
Cafodd yr heddlu eu galw i Stryd Tudor yn y brifddinas toc cyn 7 o’r gloch nos Wener.
Daethon nhw o hyd i’r ddau ddyn, a gafodd eu cludo i’r ysbyty.
Mae’r heddlu wedi apelio am wybodaeth.
