Mae Heddlu Dyfed Powys wedi cadarnhau bod dyn wedi marw mewn gwrthdrawiad rhwng dau gerbyd ar yr A470 ger Llanidloes y bore yma.
Roedd y dyn yn gyrru car Peugeot 207 llwyd pan fu mewn gwrthdrawiad â lori ddu DAF tua 6.40 bore dydd Mawrth.
Mae’r heddlu wedi cysylltu â theulu’r dyn. Dylai unrhyw dystion i’r digwyddiad gysylltu â’r heddlu ar 101.
Mae’r ffordd wedi bod ynghau i’r ddau gyfeiriad a’r traffig yn cael ei ddargyfeirio trwy Lanidloes. Dywed yr heddlu bod disgwyl i’r ffordd ail-agor erbyn tua 2yp.
