Democratiaid Rhyddfrydol yn dewis ymgeiswyr rhanbarth

William Powell AC
Mae William Powell wedi cael ei ddewis gan aelodau’r Democratiaid Rhyddfrydol yng Nghymru i arwain rhestr ranbarthol Canolbarth a Gorllewin Cymru y blaid ar gyfer etholiadau’r Cynulliad.

Mae William Powell yn ffermwr ac athro ieithoedd sydd eisoes yn AC ar gyfer Canolbarth a Gorllewin Cymru.

Mae’r rhanbarth yn darparu pedwar o Aelodau rhanbarthol i’r Cynulliad.

Meddai ei fod yn “falch iawn” ei fod wedi cael ei ddewis eto a’i fod yn gobeithio cael y cyfle i barhau i wasanaethu fel AC.

Y rhestr ranbarthol

Trefn rhestr ranbarthol Democratiaid Rhyddfrydol Cymru ar gyfer Canolbarth a Gorllewin Cymru yw:

William Powell

Jane Dodds

Gemma Bowker

Bob Kilmister

Alistair Cameron

Stephen Churchman

‘Anrhydedd llwyr’

Dywedodd William Powell AC: “Rwy’n falch iawn o fod wedi cael fy newis gan aelodau’r blaid i arwain tîm hynod o gryf.

“Mae wedi bod yn anrhydedd llwyr i gynrychioli pobl Canolbarth a Gorllewin Cymru dros y pum mlynedd diwethaf ac rwy’n gobeithio cael y cyfle i barhau gyda’r gwaith yr wyf wedi cychwyn.”