Mae S4C wedi ymddiheuro ar ôl i dân yn Llundain darfu ar eu lluniau ar Freeview neithiwr (nos Sadwrn, Medi 25).
Mewn datganiad, dywed y sianel fod yna dân mewn canolfan ddosbarthu, gan olygu bod eu lluniau ar lwyfan Freeview wedi’u colli am ran fwya’r noson o tua 6.30yh.
Er gwaetha’r trafferthion, doedd gwasanaethau Sky, Freesat, Virgin Media, S4C Clic na BBC iPlayer ddim wedi cael eu heffeithio.
Ond fe effeithiodd ar wasanaethau’r BBC, ITV, C4, C5, Paramount ac E Music.
“Mae S4C yn ymddiheuro i bawb fethodd weld eu hoff raglenni nos Sadwrn,” meddai llefarydd mewn datganiad.
Yn anffodus yn dilyn tân mewn canolfan sy’n dosbarthu ein lluniau yn Llundain rydym yn dioddef problemau technegol. Ymddiheuriadau
— S4C ??????? (@S4C) September 25, 2021
S4C Clic amdani… ? https://t.co/s3jv4mOdV0
— S4C ??????? (@S4C) September 25, 2021
S4C ar gael o hyd ar Sky, Virgin, S4C Clic a BBC iPlayer:- https://t.co/z3ujUdDjMvhttps://t.co/vbRg83B5SF
— S4C ??????? (@S4C) September 25, 2021
Mae’r sianel wedi ymddiheuro eto heddiw (dydd Sul, Medi 26), wrth i’w problemau barhau.
Ymddiheuriadau. Yn anffodus mae'r problemau technegol ar Freeview yn parhau. Rydym yn gobeithio dychwelyd y gwasanaeth cyn gynted a bo'r modd. Mae S4C ar gael o hyd ar Sky, Virgin, Freesat S4C Clic a BBC iPlayer:- https://t.co/w066vtSH7Nhttps://t.co/EURtnGn40n
— S4C ??????? (@S4C) September 26, 2021
- Diweddariad: Mae S4C yn dweud bod “darlledu yn ôl ar Freeview erbyn hyn”.
