Mae Heddlu Dyfed-Powys yn apelio am wybodaeth am ddyn sydd ar goll o ardal Machynlleth.
Cafodd Anthony Oldham ei weld ddiwethaf brynhawn ddoe (dydd Llun, Medi 12), pan adawodd ei gartref ym Mhenegoes i fynd am dro.
Mae’n cael ei ddisgrifio fel dyn chwe troedfedd o daldra, ac o faint canolig.
Roedd yn gwisgo trowsus du a chrys-t tywyll pan gafodd ei weld ddiwethaf.
Dylai unrhyw un welodd Anthony ddoe, neu sydd ag unrhyw wybodaeth, gysylltu â Heddlu Dyfed-Powys.
