Mae rhai strydoedd yng nghanol Aberystwyth wedi dioddef llifogydd prynhawn ’ma (Awst 10).

Cawod drom a sydyn wnaeth arwain at lifogydd ar hyd strydoedd y dref ac mae’n debyg bod rhan fwyaf y dŵr wedi mynd bellach.

Llifogydd Aberystwyth

Cafodd nifer o dai eu heffeithio gan y llifogydd yn ogystal ag un eiddo masnachol yn ôl Gwasanaeth Tân ac Achub Canolbarth a Gorllewin Cymru.

Llifogydd Aberystwyth

Daeth y llifogydd ar ôl i rybudd melyn am stormydd mellt a tharanau ddod i rym nos Sul (Awst 10).

Mae disgwyl y bydd rhannau helaeth o Gymru’n cael eu heffeithio gan y tywydd drwg.

Yn ôl y Swyddfa Dywydd, gallai cartrefi a busnesau weld llifogydd yn yr ardaloedd sy’n cael eu heffeithio waethaf.