Cwrteisi staff gwestai Caerdydd ymhlith y gorau

Caerdydd
Roedd cwrteisi staff mewn gwestai yng Nghaerdydd ymhlith y gorau ym Mhrydain yn ôl arolwg.

Roedd yr holiadur gan gwmni Hotel.info wedi holi barn teithwyr ledled Ewrop am gwrteisi, cyfeillgarwch a chymhwysedd staff mewn gwestai yn Ewrop.

Daeth gwestai Caerdydd yn bedwerydd ymhlith y goreuon ym Mhrydain gyda sgôr o 8.31 o 10 o bwyntiau, gyda dinas Bryste, Leeds a Sheffield ar frig y rhestr.

Daeth gwestai Llundain yn olaf o blith prif ddinasoedd Ewrop, gyda phrifddinas Hwngari, Budapest yn dod i’r brig.

Dywedodd llefarydd ran Hotel.Info: “Mae cwrteisi pobl Prydain yn cael ei gydnabod dros y byd. Serch hynny, nid yw staff gwestai ym Mhrydain yn sgorio gystal mewn cymhariaeth gyda rhai Ewrop.

“Fe sgoriodd Sheffield yn dda o ran cyfeillgarwch a bod yn awyddus i helpu gwesteion.

Er hynny, nid oedd dwy ddinas fwyaf Prydain, Llundain a Birmingham, wedi gwneud yn dda o ran safon y gwasanaeth.”

Y dinasoedd a sgoriodd fwyaf o 10

1. Sheffield 8.62

2. Leeds 8.41

3. Bryste 8.36

4. Caerdydd 8.31

5. Caeredin 8.25

6. Lerpwl 8.20

7. Glasgow 8.18

8. Manceinion 7.95

9. Caerlŷr 7.75