Apêl am ddynes a babi ym Mhen-y-Bont ar Ogwr

Mae Heddlu De Cymru yn apelio am wybodaeth am ddynes a babi ym Mhen-y-Bont ar Ogwr yn dilyn pryderon am eu lles.

Cafodd y ddynes ifanc a’r plentyn bach eu gweld y tu allan i archfarchnad y Co-op yn Ffordd Bracla am tua 8:30yh nos Sul.

Yn ôl adroddiadau, roedd y ddynes yn gwisgo gwn nos, legins tri chwarter a thrainers. Mae ganddi wallt melyn oedd wedi ei glymu yn ôl.

Dywedodd yr Arolygydd Gary Smart, o Heddlu De Cymru: “Er nad ydym ni wedi derbyn adroddiad o rywun ar goll, mae’r tywydd yn oer ac yn wlyb ac o’r wybodaeth rydym ni wedi’i dderbyn, nid ydym yn credu bod y fam na’i babi yn gwisgo dillad addas ar gyfer y tywydd.

“Rydym felly yn apelio ar unrhyw un sydd â gwybodaeth fyddai’n ein cynorthwyo i ddod o hyd i’r ddynes i gysylltu â ni ar 101.

“Rydym hefyd yn awyddus i glywed gan y ddynes er mwyn ein sicrhau ei bod yn ddiogel.”