Mae’r heddlu’n apelio am wybodaeth yn dilyn ymosodiad ym maes parcio Tesco, yn Cadoxton, y Barri am 6.45 neithiwr.
Fe fu helynt rhwng dau ddyn yno, gydag un yn dioddef ymosodiad a arweiniodd at anafiadau difrifol i’w wyneb.
Meddai DC Adam Harding o Heddlu De Cymru:
“Mae hwn yn ddigwyddiad anghyffredin a oedd yn ymwneud â dau ddyn a ddaeth allan o’u cerbydau a gwrthdaro yn erbyn ei gilydd. Mae lluniau teledu cylch cyfyng yn dangos nifer o aelodau o’r cyhoedd yn edrych ar yr helynt wrth iddo ddigwydd.
“Apeliwn am i’r bobl hyn ac unrhyw dystion eraill a allai fod wedi gweld y digwyddiad gysylltu â ni.”
Mae’r heddlu’n gofyn i unrhyw un â gwybodaeth am y digwyddiad i’w ffonio ar 101 neu’n ddi-enw ar Taclo’r Tacle ar 0800 555 111 gan ddatgan y cyfeirnod 1400151024.
