Gwynedd: Casglu biniau bob tair wythnos

Fe fydd biniau sbwriel gwyrdd yng Ngwynedd yn cael eu casglu bob tair wythnos yn hytrach na phob pythefnos, ar ôl i Gabinet Cyngor Gwynedd gymeradwyo’r argymhelliad heddiw.

Gwynedd fydd y sir gyntaf yng Nghymru i gyflwyno’r newid a’r ail ym Mhrydain, ar ôl Falkirk yn yr Alban.

Bydd y newidiadau yn cael eu cyflwyno yn ardal Dwyfor o’r sir ym mis Hydref 2014 a disgwylir i’r newidiadau gael eu cyflwyno’n raddol yn ardaloedd Meirionnydd ac Arfon yn 2015.

Ni fydd unrhyw newidiadau i’r gwasanaethau ailgylchu a chasglu gwastraff bwyd wythnosol.

Ailgylchu

Yn ôl y cyngor, mae gwaith ymchwil manwl yn cadarnhau y bydd newid y casgliadau gwastraff gweddilliol yn annog trigolion i wneud defnydd llawn o’r gwasanaeth ailgylchu a gwastraff bwyd wythnosol.

“Dim ond tua hanner o gartrefi Gwynedd sy’n defnyddio’r gwasanaeth casglu ail-gylchu a gwastraff bwyd wythnosol ar hyn o bryd,” meddai Aelod Cabinet Amgylchedd Cyngor Gwynedd, y Cynghorydd Gareth Roberts.

“Fel Cyngor mae’n rhaid i ni rŵan gymryd camau i ddarbwyllo’r trigolion hyn sy’n parhau i daflu gwastraff gellir cael ei ail-gylchu neu ei gompostio yn eu bin olwyn gwastraff gweddilliol i ddechrau defnyddio’r gwasanaeth casglu ail-gylchu gwastraff bwyd wythnosol cyfleus.

“Yn 2012/13, roedd Gwynedd o fewn trwch blewyn o dderbyn dirwy o £123,000 gan Lywodraeth Cymru am fethu â chyrraedd targedau ailgylchu a thirlenwi cenedlaethol.

“Trwy gymryd camau rŵan a gweithio gyda chymunedau lleol, rydym yn hyderus y byddwn yn gallu cynyddu lefelau ailgylchu yn sylweddol fel y gallwn osgoi dirywion ariannol enfawr na allwn eu fforddio.”

‘Talu mwy am lai’

Dywedodd llefarydd y Ceidwadwyr Cymreig ar yr Amgylchedd, Russell George: “Mae trethdalwyr yn talu mwy am lai o wasanaeth o dan y Llywodraeth Lafur.

“Mae teuluoedd Cymru wedi gweld y cynnydd mwyaf mewn treth cyngor ym Mhrydain o 5%, ond er hynny rydym yn derbyn gwasanaethau o safon isel.

“Bydd biniau gorlawn yn atynnu mwy o anifeiliaid gwyllt, yn gwneud i bobol gael gwared â sbwriel yn anghyfreithlon ac yn llygru strydoedd Cymru.

“Fe ddylai gweinidogion Llafur fod wedi galluogi cynghorau Cymru i rewi treth cyngor ar gyfer teuluoedd sy’n gweithio’n galed a chydweithio hefo’r awdurdodau i warchod gwasanaethau rheng flaen.”

46 sylw

Deri 29 Ebrill 2014, 17:34

Paid a chwyno wir dduw. Mae’r cyngor yn casglu ysbwriel sy’n gallu cael ei ailgylchu yn wythnosol, hynny yw, bwyd , plastics, papur a chardfwrdd, gwydr, tuniau ac yn y blaen. O ystyried hynny, does ’na fawr ddim arall ar ôl i fynd i’r bin.
Mae teulu ni yn gallu mynd am wythnosau heb lenwi’r bin sbwriel arferol.

Crebwyll 29 Ebrill 2014, 18:26

Angytuno Deri.

Mae’r cyngor yn barod iawn i ofyn am ei £1,600 + y flwyddyn yn fama. Ac wedi mynd i’r habit o feddwl fod ganddo’r hawl dragwyddol i godi’r swm bob blwyddyn automatic.

Ond pan mae’r gwagwyr bins yn dod heibio mae nhw llawer rhy barod i weld taflu gweddill y gwastraff dros y lon i gyd os ydio’n digwydd bod o fewn eu brîf i bigo fo fyny – sy’n warthus yn fy marn i.

Plus, ydi’r trefniadau hyn yn cymryd i ystyriaeth sefyllfaoedd arbennig hefo gwagio holiday lets ayyb? Nadi.

Neu llygod mawr dros y lle i gyd? Nadi.

Da iawn ti Gail. Dwi’m yn cytuno â ti hefo lot o betha, ond mae parodrwydd i ysgwyd y cwch dal yn beth da iawn i ddemocratiaeth.

Crebwyll 29 Ebrill 2014, 18:28

*os NAD ydio’n digwydd bod o fewn eu brîff*

hogan wirion 29 Ebrill 2014, 21:01

Da iawn, Gwynedd. Cytuno efo Deri – rhoi pethau yn y bocsys ailgylchu (a peidio a chreu cymaint o wastraff i ddechrau) a dan ni ar y llwybr iawn. Ac oes gan trolls fel Gail Bach a “crebwyll” (sori, mae “di-glem” yn well enw) unrhyw syniad faint o ganran o’r dreth a neilltuir i ail-gylchu? Nag oes – felly caewch eich cegau nes bod ffeithiau gynnoch chi. Duw a’n cadwo rhag cael pobl fel y sylwebwyr hyn yn arwain ein cynghorau.

Neil 29 Ebrill 2014, 21:39

Ia, wel mae’n gret cael uchelgais a chael polisi ar bapur yn tydi. Mae’n hawdd dweud “ffitiach bod pobl yn gwneud hyn ac yn gwneud arall, yn mynd i’r capel ac yn siarad Cymraeg ac yn gwneud eu gwaith cartref cyn mynd allan bob nos” ond os nad yw pawb yn symud ymlaen ar yr un cyflymder a’r delfrydwyr nid yw’r sbwriel am gael ei gasglu o gwbl. Felly i ble fydd o’n mynd? Cael ei adael yn lonydd bach y wlad neu dros ben clawdd mewn bagiau duon mae’n debyg. Rwyn sylwi fod bagiau eisoes yn cael eu dympio ar y stryd fawr yma, i rywun neu’i gilydd ddelio a nhw.

Dwi fy hun wedi dechrau llosgi popeth yn yr ardd. Wn i ddim pa mor wyrdd yw hynny, ddim yn wyrdd o gwbl faswn i feddwl, ond mae’n arbed gorlenwi’r biniau a does dim rhaid cofio pa wythnos y mae’r rheini’n cael eu casglu. Sori, ond dwi wedi rhoi’r gorau i roi poteli a thuniau yn y bocs ailgylchu hefyd, er bod yn frwd dros hynny hyd yn ddiweddar. Dwi’n deall casgliad bob dydd Llun, ond rhywbeth mwy cymhleth na hynny a waeth gen i optio allan o wasanaeth y cyngor yn gyfan gwbl.

Os na all cynghorau ddygymod a phobl fel Crebwyll a Gail a minnau, iawn, ie, Duw a’ch cadwo, a gobeithio y gwnaiff o well job na’r cyngor.

Cymro Gwynedd 29 Ebrill 2014, 21:46

Hen bryd i ti ailgylchu dy sylwadau Gail! Give it a rest a stopia gwyno. Mae’n pathetig faint o gwyno ma pobl yn ei wneud am bethau dibwys – ailgylchwch myn diawl! Meddyliwch am y bobl bach yn Syria a fyddai ddigon parod i chwilota trwy sbwriel am fwyd.

Gail Bach, Felinheli 29 Ebrill 2014, 21:50

Mae peidio â hel sbwriel yn yr haf yn mynd i ddenu llygod a llygod mawr. Yn wir, mae o’n digwydd ar hyn o bryd. A lle mae’r sbwriel I fod I gael ei gadw am dair wythnos? Yn Sbaen, mae sbwriel yn cael ei hel ddwywaith yr wythnos – ddwywaith y dydd mewn rhannau o China a Florida.

Crebwyll 29 Ebrill 2014, 22:01

Sori de, yr holl apolegwyr PC.

Ond fe grogodd blydi Cyngor Gwynedd fy mam weddw ar waetha’i blydi 25% gostyngiad for ‘single persons’.

Jesd disgwyliwch nes da chi’n hen.

Be wyt ti ‘hogan wirion’ cyflogedig ia?

Crebwyll 29 Ebrill 2014, 22:04

@Cymro Gwynedd.

False dichotomy llwyr a chyfangwbl – be sy arnat ti yng gwneud y ffasiwn gymhariaeth aflednais dwad?

Catrin Jones 29 Ebrill 2014, 23:07

Dydi Cyngor Gwynedd ddim yn mynd i ‘beidio’ hel sbwriel yn yr hâf yn nca’dyn, Gail? Dwl ’ta gwirion wyt ti?

Os ydi dy fun di’n llawn dos a dy sbwriel i’r ganolfan ail-gylchu a tra wyt ti yno neidia i mewn i un o’r sgips mawr ’na ac arhosa yno bendith dduw i chdi.

Crebwyll 29 Ebrill 2014, 23:27

Cyflogedig eto ia Catrin?

Oes yna rhai ohonna chi yn mynd i ddatgelu diddordeb, er mwyn tryloywder, a gweithrediad egwyddor democratiaeth?

Crebwyll 29 Ebrill 2014, 23:37

Gyda llaw Golwg360, lle mae sylw cyntaf Gail wedi mynd?

NEIL 29 Ebrill 2014, 23:43

Hyll, de!

Os yw’r newid polisi casglu biniau yn esgor ar y fath emosiynau aflednais gresyn na fyddai Cyngor Gwynedd wedi ymgynghori efo pobl. A llongyfarchiadau i’r holl gynghprau NAD oeddynt y cyntaf yn y Deyrnas Unedig i wneud hyn.

Bod allan o gysylltiad efo pobl sy’n galuogi pleidiau fel yr UKIP i lenwi gwagle. Mae hyn eisoes wedi digwydd efo Llais Gwynedd ond mae’n amlwg na chafodd y gwersi mo’u dysgu yr adeg honno. Mae llygad y cynghorwyr ar osgoi cael eu dirwyo am dirlenwi yn hytrach nag ar unrhyw uchelamcanion amgylcheddol, ac er mwyn iddyn nhw gael cyflawni hynny maent yn fodlon gadael i Gail Fach lusgo ei sbwriel i ganolfan ailgylchu.

Mae cynghorau eraill wedi llwyddo i ddarbwyllo eu trethdalwyr i ailgylchu, nid jyst stopio casglu sbwriel. Ie Catrin, PEIDIO a’i gasglu – un rhan o dair ohono. I ble mae hwnnw i fynd? Ei roi yn fy myn i mae’r dyn drws nesaf.

Felly mae Gail am bleidleisio i’r UKIP. Cyfrifoldeb Sian Gwenllian oedd ei chadw yn ein gwersyll ni.

Crebwyll 29 Ebrill 2014, 23:51

Amen Neil.

Byddai’n llosgi sbwriel yn yr ardd fel chditha, a Gail ru fath gobeithio.

‘Stick it to the man….’

Watchiwch eich hunain lywodraethwyr Plaid Cymru Gwynedd neu allan ar eich tinnau fyddwch oherwydd eich hosgo mawreddog a’ch diffyg safiad dros y pethau sy’n cyfri i’r rhai sy’n pleidleisio i chi.

Hynny ydi ddim blydi bins!!!

Catrin Jones 30 Ebrill 2014, 00:20

Na, dim cyflogedig, Crebwyll, a ddim yn aelod o unryw blaid chwaith.

Llais Gwynedd, Crebwyll? Fatha Neil a Gail Fach? Sdicio efo’ch gilydd fel cachu ar flanciad.

Cwm Rhyd Chwados 30 Ebrill 2014, 08:29

Os ein bod am gael gwared ar sbwriel yn amlach, gawn ni gychwyn gyda’r math mwyaf drewllyd o sbwriel; ukip?

Gail Bach, Felinheli 30 Ebrill 2014, 09:12

Ia, cwestiwn da – lle mae fy sylw cyntaf i wedi mynd? Mae’r golofn hon fel yr hen KGB gynt – pecha yn erbyn Plaid Cymru ac mi gei dy wahardd.
Os nad yw’r loriau yn dod i gasglu sbwriel am dair wythnos, yna mi fydd y gwastraff yn cronni. Ac yn drewi, Ac yn denu llygod.
Fy nghyngor i yw gwneud fel mae llawer ace yn ei wneud: fly-tipping. Does dim dewis arall.

Gail Bach, Felinheli 30 Ebrill 2014, 09:15

PS: ‘acw’ oedd y gair, nid ‘ace’. Typo. Ond mae llawer iawn yn ‘tipio yn slei bach’. A dwi ddim yn gweld bai.

gaynor 30 Ebrill 2014, 09:31

ddim yn gweld bai ar fly tipio? – moch sy’n fly-tipio Gail, bobl diegwyddor, sglyfaethog, sydd yn parchu dim ar gefn gwlad na thref nac erail. Llosgwch eich blydi trash os ydych yn cyhyrchu gymaint o rwtsh . Yn anffodus mae lot o’r genedl fochedd hon yn credu bod taflu sbwriel ar hyd y ffyrdd a’r caeua yn dderbyniol ac yn rhan hanfodol o’n diwylliant, diolch am eu hannog Gail. Y piti yw bod ein awdurdodau lleol ddim yn dirwyo trsoeddwyr sbwriel yn llymach a gwneud fwy o ymdrech i glau ein lonydd yn lle hala wardeniaid allan i rhoi tocynau parcio i bawb a phopeth. Cytuno gyda’ch sylwadau am bois y sbwriel yn sarnu popeth ar yr heol a neb yn clau fyny wedyn.

Gwern 30 Ebrill 2014, 09:58

Mae dwy ochr i’r geiniog. Bydd o’n iawn i’r rhai hynny sydd yn ailgylchu dipyn ac felly, bydd y bin gwyrdd yn eitha gwag beth bynnag. Ond i’r rhai hynny sydd efo plant bach, ac yn gorfod newid napis yn ddyddiol, yna bydd coblyn o oglau! Dychmygwch napi, dair wythnos oed, lond cach babi mewn bin gwyrdd tu allan wrth i chi yfed panad mewn haul crasboeth. Digon i wneud i chi dagu ar eich panad!

Neil 30 Ebrill 2014, 10:04

Cytuno efo Gaynor bod tipio anghyfreithiol yn gwbl anfoesol, ond yr ateb yw addysgu pobl i ailgylchu, compostio ac ailddefnyddio, a pheidio a chynhyrchu cymaint o sbwriel yn y lle cyntaf, nid atal gwasanaethau.

Does yna neb eisiau rybish o gwmpas yr ardd nac o gwmpas y wlad, nac eisiau’r UKIP Guto, ond dyna fyddwn ni’n ei gael os na all y cyngor gynnig gwasanaethau cyfrifol. Does dim ond rhaid i chi ddarllen y sylwadau uchod i weld mor hawdd yw i bobl begynnu a mynd i ethafion – ac mae yna bleidiau a all gymryd mantais ar hynny.

Mae Cyngor Gwynedd wedi dod yn agos at fethu ei dargedau. Ei ymateb yw clochdar am yr amgylchedd a phasio’r broblem i Gail Fach trwy beidio a chasglu ei sbwriel wythnosol am ddwy flynedd o bob tair. Dydi hynny ddim yn gwneud Gail yn hapus. Mae’n gwneud i Gail fod eisiau gwasgaru ei sbwriel yn Nant y Garth a phleidleisio i’r UKIP.

Ar stepan drws Gail Fach y dylai Sian Gwenllian roi stop ar yr UKIP ac nid trwy wneud datganiadau i’r wasg.

Dafydd Morgan 30 Ebrill 2014, 10:43

Dwi newydd symud i Wynedd o’r gorllewin a dydw i erioed yn fy myw wedi gweld cymaint o sbwriel ar y stryd yn y pentref lle dwi’n byw. Yn aml, dwi’n ffeindio fy hun yn mynd mas i gasglu sbwriel oddi ar y stryd, cynddrwg yw’r sefyllfa.

Dyw penderfyniad diweddaraf cyngor Gwynedd ddim yn gwneud y tro. Os ydych chi wir eisiau gweld cynnydd mewn ailgylchu, mae’n rhaid cyflwyno system ailgylchu â blaendâl. MAe hyn yn digwydd yn Norwy, Sweden, Yr Almaen a Chanada lle mae’n rhaid talu 20c ychwanegol am botel blastig neu gan neu botel wydr. Ar ôl i chi orffen eich diod, rydych chi’n mynd â’r botel/can yn ôl i’r archfarchnad ac i mewn i beiriant sy’n sganio’r cod bar ar y botel i’w dilysu. Yna, chi’n gwasgu botwm werdd ac mae’r peiriant yn argraffu taleb gyda cod bar arall sydd gyfwerth â’r nifer o boteli rydych chi wedi eu prynu sy’n rhoi disgownt ar eich siopa.

Golyga hyn nad oes unrhyw sbwriel o gwmpas y stryd gan fod pobl ddi-gartref a phlant yn eu casglu i brynu bwyd/losin. Yn wir, mae’n fywoliaeth i nifer o bobl,

Does dim ymgyrch gyfatebol yng Nghymru hyd yma hyd y gwyddwn i, ond dyma wefan Lloegr am y peth – mae wir yn werth ei ddarllen.

http://www.cpre.org.uk/what-we-do/energy-and-waste/litter-and-fly-tipping/update/item/3390-uk-bottle-deposit-alliance

Neil 30 Ebrill 2014, 10:45

A chyda llaw Catrin, mae’n eithaf amlwg i mi mai Plaid Cymru yw catref naturiol Crebwyll a Gail, a bu’n rhaid iddi weithio’n uffernol o galed i’w dadrithio a’u dieithrio.

Mared Roberts 30 Ebrill 2014, 10:47

Mi fu holiadur ar wefan Cyngor Gwynedd am hyn. Tri sy’n byw yn ein tŷ ni, dan ni’n ailgylchu a chompostio popeth y gallwn ni a dwi ddim yn gweld problem efo’r system newydd. Pe taswn i’n byw efo llond tŷ o bobl hwyrach y byddai fy marn i’n wahanol fodd bynnag.

Mae hi’n broblem wirioneddol yn ystod misoedd garw’r gaeaf yn ein pentref ni bod y biniau, ac yn arbennig y bocsys ailgylchu a’u cynnwys yn cael eu chwythu i’r lôn. Dwi’n aml yn methu rhoi’r biniau allan oherwydd hyn yn y gaeaf rhag i fy miniau wneud difrod neu lanast tra dwi yn y gwaith – mi fyddai disgwyl tair wythnos am y casgliad nesaf yn broblem wedyn.
Mae’r cyngor wedi bod yn treialu troliau ailgylchu yn Llanrug sydd yn drymach a mwy hwylus, os mai pryderon amgylcheddol ac nid cost yw cymhelliad y Cyngor, mi ddylen nhw gyflwyno’r rhain i bobl Gwynedd.

Neil 30 Ebrill 2014, 13:19

Clywais am un gofalwr ysgol a ddyfeisiodd drefn lle roedd disgyblion yn rhoi eu rhif ffon ar bob papur creision neu potel bop wag. Bob wythnos roedd un ohonynt yn ennill gwobr.

Mae’r math yna o weledigaeth yn brin (ac, mae’n debyg, yn groes i’r Ddeddf Data)

Bedwyr Clwyd Griffiths 30 Ebrill 2014, 13:37

Da iawn Cyngor Gwynedd. Angen i cynghorau eraill Cymru dilyn arweiniad blaengar Gwynedd. Rydyn fel bobol yn gwastraffu mir gymaint – rhaid i ni stopio fod mor hunannol ag ail-gylchu go iawn er mwyn dyfodol y byd.

hogan wirion 30 Ebrill 2014, 14:46

Hunan-gyflogedig, fel mae’n digwydd, a dim llawer o amser i dreulio yn paldaruo sylwadau heb sail o wybodaeth – yn wahanol i rai……
Ac wedi disgyblu fy hun i newid arferion, fel mae pawb yn gorfod gwneud – o gyfrifiadureg i ailgylchu ac ail-ddefnyddio, i newid clytiau babis (defnyddia rai go-iawn, Gwern: rhatach, mwy amgylcheddol-gyfeillgar a gwell i’r babi!)

Cwm Rhyd Chwados 30 Ebrill 2014, 14:51

Tra fy mod yn cytuno’n llwyr gyda’r sentiment fod angen i ni ail-gylchu llawer mwy, y gwir plaen yw fod yna wastraff nad yw hi’n bosib (neu nad yw hi’n ymarferol) ail-gylchu ar hyn o bryd. Ac yn anffodus, y gwastraff hynny sydd yn dueddol o ddenu llygod, pryfetach a heintiau. Tra fod casgliadau bob-pythefnos yn fodd da o hybu ail-gylchu, dwi’n teimlo fod tair wythnos yn ry hir o ran iechyd a llygredd.

Guto Goch 30 Ebrill 2014, 14:53

Neb yn mynd i roi’r bai ar fewnfudwyr a/neu Ewrop? Siom… Tyfwch fyny wir dduw, lle da chi’n feddwl ma’r holl rybish ma’n mynd? Lleihau, ailddefnyddio, ailgylchu – dio ddim mor anodd a hynny.

Gail Bach, Felinheli 30 Ebrill 2014, 16:01

Nage, ddim moch sy’n tipio yn slei bach erbyn hyn ond pobl sy’n desperet i gael gwared â’u hysbwriel, ac y dylent gael gwared arno drwy ddulliau traddodiadol, cyfreithlon, sef bod y Cyngor yn gwneud ei waith. Mae o’n gywilyddus bod gwastraff yn cael cronni yng nghefn tai pobl yn ystod misoedd yr haf – yn denu pryfetach, denu llygod, a rhoi gwedd ofnadwy o flêr a choman ar yr ardal. Rydym yn haeddu llawer gwell. A sut argraff a gaiff pobol o wledydd tramor yma ar eu gwyliau, tybad? ‘Nice country, shame about the council’.

Ger 30 Ebrill 2014, 17:30

Rhaid cyfaddef nad wyf yn gweld problem gyda chasglu bagiau du bob tair wythnos. Erbyn hyn, mae’r gwasanaeth ailgylchu wedi gwella yn arw a modd ailgylchu y rhan fwyaf o bethau y defnyddiwn yn y tŷ. Mae gwasanaeth casglu sbwriel ellir ei hailgylchu yn digwydd yn wythnosol, ac mae’r Ganolfan Ailgylchu yn Nolgellau yn cwbwl gwych, yn derbyn popeth o bren i hen ddillad, o wastraff yr ardd i hen ddeunydd adeiladu.

Y gwir yw, ‘rydym bellach wedi cyrraedd oes lle ellir ailgylchu y rhan fwyaf o bethau, bwyd, gwydr, plastig, tuniau, papur, cerdfwrdd, dillad, ayyb. Holl sydd ei angen yw ychydig o amynedd i’w hidlo a’u gosod yn y bocs fach las i’w adael o flaen tŷ. Mae cwmniau bellach yn mynd ati ar bwrpas i werthu eu nwyddau mewn pecynnau y gellid eu hailgylchu hyd yn oed, felly mae ein hesgusodion dros beidio gwneud yn prinhau. A beth bynnag, phe brynwn mwy o’n bwydydd o siopau bach lleol, yna bydd hyd yn oed llai o wastraff gennym a byddwn wedi cefnogi busnesau sydd wedi eu gwreiddio yn lleol.

Mae digon o resymau da i ailgylchu mwy a symud oddi wrth dibynniaeth yr hen fagiau du. Os mai er mwyn osgoi dirwy o £120,000+ yw un, yna grêt, dyna £120,000+ sydd wedi ei harbed ac o bosib am gael ei wario ar wasanaeth arall (llawer gwell fyddai hynny na gweld y pres yn gadael y sir drwy ddirwy). Hefyd, beth ddigwyddith phan na fydd lle yn y ‘landfill’? Dydw i ddim am weld un newydd yn cael ei gloddio yn y cae flaen tŷ a ’dwi’n siŵr y bydd eraill o’r un farn am eu hardal hwythau.

Ac i’r sawl sydd yn llosgi, ia, iawn. Llosgi dwi innau yn ei wneud hefyd. Mae’r holl bapurau ‘cw yn dechrau tân a mae unrhyw ludw yn cael ei wasgaru dros yr ardd. Cŵl ciwcymbyrs.

Catrin Jones 30 Ebrill 2014, 18:00

@Gail Bach

Mynd reit i dop caij am hel binia! Ti angan prozac, del

… Llygod, pryfid, afiechydon, fforinyrs (o’n i’n meddwl bo chdi’m yn licio rheini eniwe) ar ‘u holides yn gweld rybish yn bob man …

Nyts ia.

Deri 30 Ebrill 2014, 19:51

Bwyd sy’n denu pryfaid a llygod mawr siwr dduw ac mi fydd gwastraff bwyd yn dal i gael ei gasglu pob wythnos.
Fedra i fynd am wythnosau heb lenwi bin mawr gan fod y mwyafrif llethol yn mynd i’r bocs ailgylchu.
Ymdrech fechan iawn yw gwneud hyn.

Gyda llaw, dw i ddim yn deall sut bod cymaint o fwyd yn cyrraedd y bin ta beth mewn cyfnod sydd mor anodd i lawer o deuluoedd!

Deri 30 Ebrill 2014, 19:53

Hei Gail, fasa ni’n gallu cyflogi miloedd o bobl ddu a Slovenians a Romanians ag ati i sortio’r biniau ar ein rhan.

Deri 30 Ebrill 2014, 19:54

O na, newydd gofio bod hynny yn erbyn egwyddorion UKIP, bydd rhaid meddwl am ffordd arall yn bydd?

Crebwyll 30 Ebrill 2014, 20:46

@Deri. Clytia budr tair wsos oed yn cael mynd i’r bin bwyd yndi?

@Gaynor. ‘Y piti yw bod ein awdurdodau lleol ddim yn dirwyo trsoeddwyr sbwriel yn llymach…’?

Be?

Ers pryd y rhoddwyd yr hawl a’r awdurdod i’r tin pot, parish pump, provincial dictators yma i ddirwyo pobol?

Os nad yda chi’n fodlon neud y menial tasg y’ch setiwyd chi fyny i neud o – sef gwagio bins (a’i sortio nhw os dach chi isio) – wnai i fo hun. Diolch.

Crebwyll 30 Ebrill 2014, 20:52

@Deri. Un sylw arall.

‘Gyda llaw, dw i ddim yn deall sut bod cymaint o fwyd yn cyrraedd y bin ta beth mewn cyfnod sydd mor anodd i lawer o deuluoedd…’

Be wyt ti’n drio ddweud yn y sylw cwbl patronizing yna?

Amlwg dy fod ti ar ben dy ddigon hefo bwyd dydi?

Sneb arall yn gwastraffu bwyd yn y byd go iawn sdi.

Deri 30 Ebrill 2014, 21:22

Crebwyll, pwy sy’n bod yn patronising rwan y crinc?
Ffaith ydy, fedra i ddim fforddio i wastraffu bwyd ac yn ail wnai allan o fy ffordd i ailgylchu.

Catrin Jones 30 Ebrill 2014, 21:24

Spot on, Deri. Dda bod ’na riwin call ar y webshite ’ma, ia.

Gail. Ga’d i mi sbelio fo allan i chdi del bach.

Ti’n rhoid sbâr bwyd a blew ci a petha yn bag bwyd. Ti’n rhoi hwnnw yn bocs bwyd neu yn dy fin brown efo petha gardd chdi. Os ti’n rhedag allan o fagia ti’n mynd i nôl mwy o llyfrgell.

Ti’n rhoi cans chdi a poteli gwydr a plastig a bocsus wya a papur a cardboard chdi a bocsus Flora a bob dim fel’na yn bocsus glas chdi. Os oes gen ti ‘im digon o focsus glas ti’n ffonio cyngor yn Port a wna nhw ddilifrio rhai i chdi yn rhad ac am ddim.

Sgen ti ddim llawar o ddim byd i roid yn bin gwyrdd chdi wedyn heblaw am sdwmps sigarets chdi a cotton buds a hen boteli make-up a toiletries a petha fel’na.

Os ti’n sbring-clinio ne rwbath fel’na (dwi byth yn, ia) a ma’ gen ti lot o rybish tisho ca’l gwarad ohono fo, wel ti jysd yn gorfod mynd a fo i Cibyn, wyt. Job done.

Crebwyll a Niel. Dylsa bo’ chi’ch dau yn pregethwrs neu dictators achos ’da chi rili yn licio clywad y’ch llais y’ch hun a ’da ch’n licio deud wrth pawb ar all be’ i neud a ’da chi’n bwysig i gyd.

Mynd ar nyrfs riwin, chi’ch dau.

Crebwyll 30 Ebrill 2014, 21:49

Sdim raid ti fod yn bersonol nac yn abusive Deri.

Y pwynt yw na fydda neb sy’n yn stryglo o ddydd i ddydd i ffeindio bwyd yn gallu gwneud y fath sylw complacent.

Meddylia am y peth.

Crebwyll 30 Ebrill 2014, 21:59

@Deri

‘Hei Gail, fasa ni’n gallu cyflogi miloedd o bobl ddu a Slovenians a Romanians ag ati i sortio’r biniau ar ein rhan…’

Be di hwnna Deri blaw ymollwng i wawd nawddoglyd/patronizing?

Ta dwi’n rong?

Tomos 1 Mai 2014, 10:28

Mae hynna’n diddorol Lavinia am beth ddywedaist am y boteli’n cael eu casglu gan blant a phobl tlawd. Paen oeddwn i yn China dwy flynedd yn ol, roedd yr un peth yn digwydd yn y fan hynny. Pobl yn casglu poteli ac mi fyddent yn cael arian amdanynt. Syniad da.

gaynor 1 Mai 2014, 11:27

Crebwyl ddim cweit yn ddeal dy sylw, fy mhwynt oedd mae’r casglwyr bins yn esgeulus yn sarnu stwff ar yr heol yn ffaith mewn sawl aradal. . Gyda llaw dwi yn clau y stryd yma yn reolaidd gan bod gymaint o sbwriel yn cael ei daflu ar lawr gan y plant ar y ffordd i’r ysgol a thrigolion brwnt achos mae gyment o gas gen i bod pobl yn bodlon sarnu eu milltir sgwar eu hun . Sain disgwyl y cyngor i wneud dim achos dyn nhw byth wedi yn anffodus ac mae’n awdurdodau llawer ry llywaeth mae angen ni ddilyn esiampl yr Almaen a gogledd ewrop ar gasglu sbwriel, glendid cymunedol, a ailgylchu – bydde Gail yn impresed iawn gyda’i llwyddiant /effeithiolrwydd.

Crebwyll 1 Mai 2014, 12:14

@Gaynor.

Reit, driai roi o ffordd arall.

I mi, yn y pendraw, nid y mater o’r bins ynddyn nhw eu hunain sy’n fy nghwylltio yn y drafodaeth hon- mae ailgylchu wrth reswm yn gwneud synnwyr ac yn ddymunol.

Yr hyn sy’n fy nghorddi i fwy ydi’r graddol symud cynnil oddi wrth y ddealltwriaeth flaenorol o’r cyngor yn gwasanaethu’r dinesydd, ac felly yn atebol i’r dinesydd, i’r man lle yr yda ni gyd yn prysur mynd i dderbyn a gweld ein hunain yn atebol i’r cyngor, ac yn cael ein rheoli ganddo mewn mwy a mwy o agweddau ar ein bywydau bob dydd – pethau bychan mae’n wir, ond arwyddocaol serch hynny. Y cyngor sydd i fod i’n gwasanaethu ni, nid y ni’n gwasanaethu ac yn ‘jump to’ i’r cyngor.

Dyle Gwynedd fod wedi gweld ei ddyletswydd i ymgynghori yn ymhell ac agos ar y mater hwn – nid jesd gwneud datganiad o’i fwriad fait accompli.

Ac i dy ddyfynnu eto Gaynor, yn fy marn i ni ddyle’r cyngor lleol gael yr hawl i ‘ddirwyo’ neb, os mae dyna oedde ti yn ei olygu- bydde ffasiwn beth yn gwbl annerbyniol a thu allan i’w frîff.

Yn olaf, waeth i mi ddweud eto ddim, dwi hefyd yn wallgo’ fod yna bellach rhyw ragdybiaeth fel petai wedi ymsefydlu ei hun fod gan y cyngor yr hawl i godi’r dreth automatic bob blwyddyn. Mewn ardal lle nad yw’r rhan helaethaf o gyflogau yn codi ymron dim o gwbl o flwyddyn i flwyddyn, ac ar ben hynny ei bod ymhlith y isaf yng Nghymru heb son am Brydain, mae’r arfer hwn yn gwbl annerbyniol ac annystyriol os nad anfoesol.

Margiad 1 Mai 2014, 14:53

Rydwi o blaid ailgylchu, pwy sydd ddim?
Ond byddai mwy o hygrededd yn y mater pe bai’r cyngor cyntaf i gyflwyno casgliadau bob tair wythnos yn un a oedd wedi cyflawni ei dargedau yn anrhydeddus.

Crebwyll 1 Mai 2014, 16:35

@Catrin.

Osam ‘cachu ar flanced’ fama eto.

Ond os osa yn tŷ chi, lle wyt ti mynd i roid o felly i ddisgwl tair wsos?

;-)

Mae’r sylwadau wedi cau.

Gwynedd: Casglu biniau bob tair wythnos

Y cyngor yw’r awdurdod cyntaf yng Nghymru i gyflwyno’r newid

Poblogaidd

Swyddi

Is-ddatblygwr Meddalwedd

Pennaeth Cwynion Gwasanaethau Cyhoeddus

Cynhyrchydd Cynnwys Digidol

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Annog busnesau technoleg i gymryd mantais o grantiau

Hefyd →

Gwleidyddiaeth ar sail cydwrthwynebiad yn arwydd o’r hyn sydd i ddod yn 2026?

46 sylw