Mae dynes wedi cael ei chludo i’r ysbyty yn dilyn gwrthdrawiad rhwng dwy lori ger Trawsfynydd.
Fe fu’n rhaid i’r gwasanaethau brys dynnu’r wraig allan o’r lori, wedi i’r lori darmac yr oedd hi’n teithio ynddi fod mewn damwain gyda lori finiau.
Fe gafodd Gwasanaeth Tân ac Achub Gogledd Cymru ei alw am 5.40yb i bentre’ Bronaber, ac fe fu criwiau o Borthmadog, Blaenau Ffestiniog a Chaernarfon yn ymateb i’r digwyddiad.
