Cafodd heddlu arfog eu galw i ddigwyddiad yng Nghaerdydd y bore ma.
Yn ôl llefarydd ar ran Heddlu De Cymru, cafodd yr heddlu eu galw i ddigwyddiad yn Ffordd Colum yn y ddinas am oddeutu 7yb heddiw.
Cafodd heddlu arfog eu hanfon i’r digwyddiad i sicrhau diogelwch y cyhoedd a’r heddlu yn yr ardal.
Mae dyn 27 oed wedi cael ei arestio.
Roedd Ffordd Colum ar gau am gyfnod byr ond mae wedi cael ei hailagor erbyn hyn.
