Camp Lawn 2012 - y cyntaf o dri pencampwriaeth?
Mae Warren Gatland wedi cyhoeddi’i garfan ar gyfer Pencampwriaeth y Chwe Gwlad eleni – ond gyda nifer o’r chwaraewyr yn parhau i fod ag anafiadau nid yw’n glir eto beth fydd y tîm i wynebu’r Eidal yn y gêm gyntaf ar 1 Chwefror.
Bydd Cymru’n gobeithio ennill eu trydydd Pencampwriaeth o’r bron – camp nad oes unrhyw wlad wedi llwyddo’i wneud erioed.
Cafodd Cymru hydref cymysg, gan drechu’r Ariannin a Fiji ond colli i Dde Affrica ac Awstralia – ac mae’r ffrae bresennol rhwng yr Undeb Rygbi a’r rhanbarthau yn parhau i rygnu.
Felly’r cwestiwn mawr yw – ai enw Cymru fydd ar y tlws pan ddaw’r gystadleuaeth i ben ym mis Mawrth?
