Mae Heddlu De Cymru yn apelio am dystion i ymosodiad yn Nhrefforest dros fis yn ol – ar nos Wener, Medi 27.
Roedd dyn 23 oed yn cerdded ger tafarn y Flagstones tua 9.45yh pan gafodd ei daro yn ei wyneb. Fe gafodd ei drwyn ei dorri yn y digwyddiad.
Fe ddigwyddodd yr ymosodiad ar Stryd y Parc, tua 50 llath oddi wrth y dafarn i gyfeiriad Tonteg.
Mae’r heddlu’n chwilio am ddau ddyn, gwyn – y naill tua 25 oed, tua 6 troedfedd o daldra, gyda gwallt tywyll wedi’i eillio ac yn gwisgo siwmper denau lliw llwyd a jins.
Roedd yr ail ddyn hefyd tua 6 troedfedd o daldra, yr un oedd a’r llall, ond gyda gwallt golau wedi’i dorri’n bigog. Roedd yn gwisgo siwmper o liw gwin a jins.
Dylai unrhyw un sy’n gwybod rhywbeth ynglyn a’r digwyddiad, ffonio 101, neu gysylltu gyda Taclo’r Tacle, yn ddienw, ar y rhif 0800 555 111.
