Michael Driver
Mae Heddlu Gwent yn apelio am wybodaeth wedi i fachgen 13 oed ddiflannu o’i gartref yn Rogiet, Sir Fynwy ddydd Sadwrn diwethaf.

Cafodd Michael Driver, a oedd yn gwisgo siwmper ddu â hwd a jîns, ei weld diwethaf yn Rogiet am 2:30yh ar ddydd Sadwrn 12 Hydref.

Mae ganddo wallt tywyll ac mae’n 4 troedfedd 5 modfedd o daldra. Yn ôl yr heddlu, mae ganddo gysylltiadau ym Merthyr Tudful.

Dywed yr heddlu eu bod nhw’n bryderus am ei ddiogelwch oherwydd ei oedran.

Gofynnir i unrhyw un sydd â gwybodaeth gysylltu gyda Heddlu Gwent ar 101 neu gyda Taclo’r Tacle’n ddienw ar 0800 555 111.