Fe fydd Gareth Bale yn derbyn mwy o brofion heddiw, wedi iddo anafu ei glun yn ymarfer cyn gêm Real Madrid yn erbyn Getafe yn Stadiwm Bernabeu nos Sul.
Fe fu’n rhaid i bêl-droediwr drytaf y byddynnu yn ôl o’i gêm gartref gyntaf i Real Madrid wedi iddo symud yno o Tottenham Hotspur am £85 miliwn yn ystod yr haf.
Dywedodd rheolwr Real Madrid, Carlo Ancelotti, ei bod yn anhebygol y byddai Bale yn chwarae yn erbyn Elche yn La Liga nos Fercher.
Ond ychwanegodd na ddylai anaf Bale mo’i rwystro rhag chwarae ei gêm gartre’ gynta’ i’r clwb yn erbyn Atletico Madrid y penwythnos nesa’.
Mae datganiad gan y clwb yn cadarnhau y bydd Bale yn cael mwy o brofion yn Ysbyty Sanitas ym Madrid heddiw.
