Mae’r heddlu yn apelio am wybodaeth wedi i yrrwr a theithiwr gael eu hanafu’n ddifrifol mewn damwain ger dinas Abertawe.
Dywedodd Heddlu De Cymru bod y Vauxhall Astra du oedden nhw’n teithio ynddo wedi gyrru mewn i sawl car oedd wedi parcio ar Heol yr Orsaf yn Fforest-fach toc wedi hanner nos neithiwr.
Mae’r ddau yn parhau i gael triniaeth yn Ysbyty Treforys.
Mae’r heddlu yn apelio ar unrhyw un sydd â gwybodaeth i gysylltu â Swyddfa Plismona’r Ffyrdd ar 101.
