Bale i Real Madrid, yn swyddogol, o’r diwedd

Y druta erioed (PA)
Mae Gareth Bale wedi cael ei gyflwyno i dîm pêl-droed Real Madrid ar ôl pasio profion meddygol, gan selio cytundeb gwerth £85.3 miliwn – neu ddwbl hynny o ystyried cyflog hefyd.

Roedd tuag 20,000 o gefnogwyr wedi mynd i Stadiwm Bernabeu er mwyn ei groesawu.

Ond mae’n bosib mai i Gymru y bydd ei gêm gynta’ ers cael ei wneud yn chwaraewr druta’r byd erioed.

Roedd Gareth Bale wedi hedfan i Madrid y bore yma gan roi diwedd ar sibrydion misoedd am ei symudiad o Tottenham i Real Madrid.

Mae’r Cymro wedi arwyddo cytundeb chwe mlynedd â Real Madrid, lle mae disgwyl iddo chwarae wrth ochr Cristiano Ronaldo, un o’i raglfaenwyr yn chwaraewr druta’r byd.

Cyflwyno

Cafodd Gareth Bale ei gyflwyno i gefnogwyr y tîm yn Stadiwm Bernabeu gydag Arlywydd Real Madrid, Florentino Perez, yn ei groesawu’n swyddogol i’r clwb.

Wrth gyfarch cefnogwyr Real Madrid, dywedodd Gareth Bale mewn Sbaeneg, “Helo, mae’n freuddwyd cael chwarae i Real Madrid. Diolch am y croeso yma. Ymlaen Madrid!”