Yr Eidal 15–26 Cymru
Mae Cymru’n parhau’n ddi-guro ym Mhencampwriaeth y Chwe Gwlad ar ôl trechu’r Eidial y Stadiwm Olympaidd yn Rhufain brynhawn Sadwrn.
Cael a chael a oedd hi ond Cymru a aeth â hi er gwaethaf deg newid mewn gêm gymharol agos.
Cymru a oedd tîm gorau’r hanner cyntaf ond mynd am y pyst a wnaethant ar bob cyfle wrth adeiladu 12 pwynt o fantais yn yr hanner awr cyntaf.
Roedd y tîm cartref o fewn sgôr ar yr egwyl serch hynny diolch i gais Braam Steyn, y blaneasgellwr yn hyrddio drosodd am gais haeddiannol i’r Eidalwyr
Caeodd Tomasso Allan y bwlch i ddau bwynt yn gynnar yn yr ail hanner ond ar ôl treulio llawer o amser yn hanner eu gwrthwynebwyr fe ddaeth cais cyntaf Cymru o’r diwedd wrth i Josh Adams groesi.
Gyda Gareth Anscombe ar y cae fel eilydd, fe arweiniodd cic gelfydd y maswr at gais i Owen Watkin ac roedd y fuddugoliaeth yn ymddangos y ddiogel ddeuddeg munud o’r diweddd.
Fe gaeodd Edoardi Padovani’r bwlch wedi hynny ond rhy ychydig rhy hwyr a oedd hi, 15-26 y sgôr terfynol.
.
Yr Eidal
Ceisiau: Braam Steyn 34, Edoardi Padovani 75’
Trosiadau: Tommy Allan 36’
Cic Gosb: Tommy Allan 44’
.
Cymru
Ceisiau: Josh Adams 54’, Owen Watkin 69’
Trosiadau: Dan Biggar 55’, Gareth Anscombe 70’
Ciciau Cosb: Dan Biggar 2’, 15’, 19’, 30’
