Arwydd sy’n darparu cyfarwyddiadau yng Nghaerdydd yw’r diweddaraf i ddal sylw am ei gam-gyfieithu.
Mae arwydd ffordd wedi anfon pobol i gyfeiriadau gwahanol yn dibynnu a ydyn nhw’n darllen y neges Gymraeg neu Saesneg.
Roedd yr arwydd ger Heol Clare ar Stryd Pendyris yn gysylltiedig â gwaith ffordd sy’n cael ei wneud ar y stryd.
Ar hyn o bryd, mae’n ffordd un-ffordd gyda phobol sy’n teithio tua’r dwyrain o Heol Clare yn gallu pasio fersiwn Saesneg o’r arwydd sy’n dweud: “Pendyris Street un ffordd o’ch blaen tua’r dwyrain yn unig.”
Fodd bynnag, mae’r fersiwn Gymraeg yn dweud, “Pendyris Street unffordd tua’r gorllewin yn unig”.
System unffordd ar Pendyris Street – ond i ba gyfeiriad @cyngorcaerdydd?
Pendyris Street’s one way system lets you choose your direction of travel based on your choice of language @cardiffcouncil pic.twitter.com/nrLZ4syctk
— Dafydd Morgan (@dafyddmorgan) July 23, 2023
Dywed Cyngor Caerdydd fod yr adran berthnasol yn ymwybodol o’r camgymeriad ac y bydd yn cael ei gywiro cyn gynted â phosib.
Ond dydy cam-gyfieithu arwyddion ddim yn rhywbeth newydd.
O’r cannoedd o enghreifftiau, dyma ddetholiad golwg360 o’r rhai mwyaf gwirion.
-
Y clasur o 2008
Yn 2008, roedd arwydd yn Abertawe yn cynnwys ymateb e-bost awtomatig yn dweud: “Nid wyf yn y swyddfa ar hyn o bryd. Anfonwch unrhyw waith i’w gyfieithu.”
2. Busnesau ar gau yng Nghefn Coed y Cymer?
Mae’r un camgymeriad wedi’i wneud ar arwyddion droeon, ond roedd ychydig o stŵr pan ymddangosodd yr arwydd yng Nghefn Coed y Cymer yn dweud “Busnesau ar agor fel arfer” yn Saesneg, ond i’r gwrthwyneb yn y Gymraeg.
3. Siop siafins yn y Sioe Frenhinol
“Efallai fod mynedfa arbennig i bawb sydd wedi derbyn OBE ag ati,” awgrymodd un yng ngrŵp ‘Arwyddion Cymraeg Gwael’ ar Facebook wrth ymateb i’r arwydd yma yn Llanfair-ym-Muallt dros y penwythnos.
4. Trafferth cyfieithu rhifau yng Nghaerdydd
Yn ôl yr arwydd yma, roedd y lôn yn y Rhath yng Nghaerdydd ar gau am dri diwrnod ychwanegol i siaradwyr Cymraeg.
5. Un arall i’r rhestr gan archfarchnad
6. Canolfan beth…?
Oes angen dweud mwy…?
