Mae pedwar dyn a gafodd eu harestio ar amheuaeth o weiddi sylwadau gwrth-Semitaidd drwy ffenest car yng ngogledd Llundain wedi cael eu rhyddhau ar fechnïaeth.
Cafodd digwyddiad ei ffilmio lle’r oedd nifer o geir yn teithio gyda’i gilydd yn ardal St. John’s Wood, ac yn chwifio baneri Palesteina.
Roedd y pedwar wedi’u harestio ar amheuaeth o drosedd yn erbyn y drefn gyhoeddus oedd â chymhelliant hiliol.
Dywed Heddlu Llundain fod y pedwar wedi cael eu harestio ar amheuaeth o drosedd debyg yn Salford fore Sul (Mai 16).
Mae’r heddlu’n parhau i gynnal ymchwiliad i’r digwyddiad.
