Mae hi’n “hen bryd” i ni ddweud ein stori drwy gyfrwng celf, yn ôl yr arbenigwr adnabyddus…

Mae curadur arddangosfa newydd o weithiau celf Gymreig yn y Llyfrgell Genedlaethol yn Aberystwyth wedi dweud ei fod yn “fodel” ar gyfer “oriel genedlaethol barhaol” i Gymru.

Fe wnaeth Peter Lord, curadur yr arddangosfa newydd ‘Dim Celf Gymreig’ – Archwilio’r Myth yn Oriel Gregynog, y datganiad mewn anerchiad i staff ac aelodau’r wasg ar fore’r prif agoriad.