Anodd, ac efallai ofer, yw ceisio deall beth sy’n mynd ymlaen yn y blaid Geidwadol yng Nghymru. Dydi hi erioed wedi bod â’i bys ar bwls gwleidyddol y wlad, ac ni ddangoswyd hynny’n gliriach nag yn yr etholiad eleni. Digwyddodd yr un chwalfa iddi yma ym 1997, ond ei ffordd yn ôl i’n gwleidyddiaeth ac i ryw fath o berthnasedd bryd hynny oedd yn sicr drwy’r Cynulliad, fel y bu. Mewn tri etholiad cyffredinol – 1997, 2001 a 2024 – mae hi wedi ei sgubo allan o holl etholaethau Cymru, rhywbeth sydd heb