‘Canmol dy fro a thrig ynddi’ meddai’r hen ddihareb Gymraeg, a dyna’n sicr yw maniffesto’r band Bwca.
Ar eu halbwm gyntaf – Bwca – maen nhw yn canu clodydd Ceredigion.
Ond dyn dŵad yw prif leisydd a chyfansoddwr caneuon Bwca.
Yn wreiddiol o Bontyberem yng Nghwm Gwendraeth, Sir Gaerfyrddin, mae Steff Rees wedi treulio’r ddegawd ddiwetha’ yn Aberystwyth.
Fe gychwynnodd Bwca fel ei broject cerddorol ei hun, cyn denu digon o aelodau i ffurfio band.
