Rob Howley
Mae hyfforddwr dros dro Cymru, Rob Howley, wedi enwi ei garfan o 35 o chwaraewyr ar gyfer Pencampwriaeth y Chwe Gwlad heddiw.
Mae’r garfan yn cynnwys 5 chwaraewr newydd i dîm Cymru, wrth i Howley ddelio gyda nifer o anafiadau yn ei sgwad. Mae’r rhain yn cynnwys blaenwyr y rheng ôl Josh Navidi ac Andries Pretorius, a James King ac Andrew Coombs yn yr ail-reng.
Bydd y capten Sam Warburton yn arwain y tîm unwaith eto, gyda Justin Tipuric, Toby Faletau a Ryan Jones yn ymuno ag ef yn y rheng ôl.
Yn y rheng flaen bydd Adam Jones, Gethin Jenkins a Matthew Rees yn dod a llawer o brofiad i bac y blaenwyr, ac mae Craig Mitchell wedi gwella o anaf i gael ei gynnwys yn y garfan.
Nid yw Luke Charteris, Alun Wyn Jones na Bradley Davies wedi eu cynnwys oherwydd anafiadau.
Mike Phillips, Lloyd Williams a Travis Knoyle fydd yn cystadlu am y crys rhif 9, tra bod anaf i Rhys Priestland yn golygu mai Dan Biggar neu James Hook fydd yn chwarae yn safle’r maswr.
Bydd digon o brofiad yn y cefnwyr, wrth i Jamie Roberts, Leigh Halfpenny a Lee Byrne gael eu henwi, ac mae’n debyg bydd y cewri, George North ac Alex Cuthbert yn chwarae ar yr asgellau.
Mae North yn un o bedwar o dîm y Scarlets yn y cefnwyr, gyda Jonathan Davies, Scott Williams a Liam Williams hefyd wedi eu cynnwys.
Tîm Llawn:
Blaenwyr: Scott Andrews (Blues), Craig Mitchell (Exeter Chiefs), Adam Jones (Ospreys) Paul James (Bath), Gethin Jenkins (Toulon), Ryan Bevington (Ospreys), Richard Hibbard (Ospreys), Ken Owens (Scarlets), Matthew Rees (Scarlets), Ryan Jones (Ospreys) Lou Reed (Blues), Ian Evans (Ospreys), James King (Ospreys), Andrew Coombs (Dragons), Josh Turnbull (Scarlets), Josh Navidi (Blues), Aaron Shingler (Scarlets), Justin Tipuric (Ospreys), Sam Warburton (Scarlets), Toby Faletau (Dragons), Andries Pretorius (Blues)
Cefnwyr: Tavis Knoyle (Scarlets), Mike Phillips (Bayonne), Lloyd Williams (Blues), Dan Biggar (Ospreys), James Hook (Perpignan), Jonathan Davies (Scarlets), Jamie Roberts (Blues), Scott Williams (Scarlets) Alex Cuthbert (Blues), George North (Scarlets), Eli Walker (Ospreys), Leigh Halfpenny (Blues), Liam Williams (Scarlets), Lee Byrne (Clermont).
