O’Connor yn safle’r maswr

Deuddydd cyn herio Cymru yn Stadiwm y Mileniwm mae Awstralia wedi enwi eu carfan i wynebu Cymru.

Ymhlith y blaenwyr dim ond un newydd sydd i’r tîm a drechodd Cymru am y fedal efydd yng Nghwpan y Byd ym mis Hydref. Gweli’r Rob Simmons yn dechrau yn yr ail reng tra bod Nathan Sharpe yn symud i’r fainc.

Ond i safle’r maswr fydd sylw pawb yn troi Dydd Sadwrn, gan mae dyma’r gêm brawf gyntaf i James O’Connor chwarae yn g nghrys rhif 10. Mae’r gŵr 21 mlwydd oed o Melbourne wedi ennill ei 36 cap blaenorol ar yr asgell a safle’r cefnwr.

Ond disgleiriodd yn y crys rhif 10 yn erbyn y Barbariaid yr wythnos diwethaf gan lwyddo gyda 8 cic at y pyst.

O’r olwyr a oedd yn rhan o’r tîm a drechodd Cymru dros fis yn ôl, mae Berrick Barnes yn adennill ei le fel canolwr yn ogystal â’r asgellwr Digby Ionae a mewnwr Will Genia.

Fe fydd Adam Ashley Cooper yn symud i safle’r cefnwr yn absenoldeb Kurtley Beale, Rob Horne yn y canol a Lachie Turner yn cychwyn ar yr asgell.

Er i David Pocock arwain y tîm yn yr wythnos diwethaf fe fydd James Horwill yn gapten i’r Wallabies yn erbyn y Cymry wedi cychwyn ar y fainc yn erbyn y Barbariaid.

Fe fydd Pocock yn ffigwr allweddol i Awstralia wrth iddo fynd benben a chapten Cymru Sam Warburton a gollodd yr ornest ddiwethaf rhwng y ddwy wlad oherwydd gwaharddiad.

Mae tîm Robbie Deans yn llawn ymwybodol o bwysigrwydd y gêm yma i dîm Cymru yng nghyd-destun gem olaf Shane Williams dros ei wlad.

“Ry’n ni wedi profi ein hunain pa mor bwerus mae cymhelliant ychwanegol o chwarae dros ffrind yn medru gwneud, pan gafodd ‘Sharpie’ [Nathan Sharpe] ei ganfed cap yn Auckland” dywedodd hyfforddwr Awstralia Robbie Deans.

“Doedd y chwaraewyr arall ddim eisiau ei siomi. Does gen i ddim amheuaeth, fydd bechgyn Cymru yn teimlo’r un peth yr wythnos yma. Mae emosiwn yn chwarae rhan bwerus mewn chwaraeon cystadleuol. “

Mae Undeb Rygbi Cymru wedi datgan bydd yna funud o dawelwch cyn y gêm er cof am Gary Speed.

Y tîm un llawn

Olwyr

15. Adam Ashley-Cooper

14. Lachie Turner

13. Rob Horne

12. Berrick Barnes

11. Digby Ioane

10. James O’Connor

9. Will Genia

Blaenwyr:

8. Ben McCalman