Gweilch 29–7 Connacht
Cododd y Gweilch i frig y Guinness Pro12 gyda buddugoliaeth bwynt bonws yn erbyn Connacht ar y Liberty brynhawn Sadwrn.
Rhuthrodd y tîm cartref ar y blaen gyda dau gais yn y chwarter awr cyntaf. Daeth y cyntaf o’r rheiny i Dan Baker yn dilyn bylchiad gwreiddiol Olly Cracknell.
Cracknell ei hun a gafodd yr ail wedi rhediad cryf arall gan y blaenasgellwr ac roedd y Gweilch bedwar pwynt ar ddeg ar y blaen diolch i ddau drosiad Sam Davies.
Bu rhaid aros tan yr ail hanner am y cais nesaf wrth i’r prop, Nicky Smith, hyrddio drosodd chwarter awr wedi’r egwyl.
Gorffennodd Sam Davies y gêm yn y gell gosb wedi tacl uchel ond er i Sean O’Brien sgorio cais cysur i Connacht, y Gweilch a gafodd y gair olaf wrth i Ashley Beck groesi yn y gornel chwith i sicrhau’r pwynt bonws.
Mae’r fuddugoliaeth a’r pwynt bonws yn codi’r Gweilch dros Leinster a Munster i frig y Pro12.
.
Gweilch
Ceisiau: Dan Baker 11’, Olly Cracknell 13’, Nicky Smith 56’, Ashley Beck 80’
Trosiadau: Sam Davies 12’, 14’, 57’
Cic Gosb: Sam Davies 44’
Cerdyn Melyn: Sam Davies 70’
.
Connacht
Ceisiau: Sean O’Brien 75’
Trosiadau: John Cooney 77’
