Connacht 30–22 Gweilch
Connacht aeth â hi wrth i’r Gweilch ymweld â Maes Chwarae Galway i herio Connacht yn y Guinness Pro12 nos Sadwrn.
Sgoriodd y tîm cartref yn y munud cyntaf, cyn aros ar y blaen am ran helaeth o’r gêm, i ymestyn eu mantais ar frig y tabl.
Munud yn unig oedd ar y cloc pan groesodd y canolwr nerthol, Bundee Aki, am gais cyntaf y gêm.
Roedd gan y Gwyddelod fantais iach ddeg munud yn ddiweddarach wedi i Alan MacGinty ychwanegu’r ail.
Yn ôl y daeth y Gweilch serch hynny gyda cheisiau Ben John a Dan Baker yn eu rhoi o fewn cyrraedd, a chic gosb Sam Davies yn eu rhoi ar y blaen am y tro cyntaf chwarter awr cyn yr egwyl.
Tri munud yn unig yr arhosodd hi felly cyn i gic gosb Craig Ronadlson adfer mantais Connacht a hwy oedd ar y blaen wrth droi.
Ymestynnodd y Gwyddelod eu mantais gyda phwyntiau cyntaf yr ail hanner, Matt Healy, yn croesi a throsiad Ronaldson yn rhoi mymryn o olau dydd rhwng y timau.
Ymatebodd y Gweilch yn syth gyda chais Rhys Webb ond sicrhaodd Ronaldson y fuddugoliaeth i’w dîm gyda dwy gic gosb arall, 30-22 y sgôr terfynol.
Mae’r canlyniad yn sicrhau y bydd Connacht yn gorffen y penwythnos ar frig y Guinness tra mae’r Gweilch yn aros yn seithfed
.
Connacht
Ceisiau: Bundee Aki 1’, Alan MacGinty 11’, Matt Healy 51’
Trosiadau: Craig Ronaldson 2’, 12’, 52’
Ciciau Cosb: Craig Ronaldson 28’, 58’, 67’
.
Gweilch
Ceisiau: Ben John 13’, Dan Baker 24’, Rhys Webb 55’
Trosiadau: Sam Davies 25’, 55’
Cic Gosb: Sam Davies 4’
