Mae Teddy Williams, clo Rygbi Caerdydd, wedi’i alw i garfan Cymru ar gyfer gemau’r hydref.
Daw hyn yn dilyn anaf i benglin Ben Carter o’r Dreigiau.
Mae Williams, sy’n 24 oed, wedi ennill dau gap dros ei wlad.
Adam Beard, Freddie Thomas, Christ Tshiunza a Will Rowlands yw’r chwaraewyr ail reng eraill yn y garfan, gyda Dafydd Jenkins a Rhys Davies wedi’u hanafu hefyd.
Bydd tîm Warren Gatland yn dechrau gemau’r hydref yn erbyn Ffiji yng Nghaerdydd ar Dachwedd 10, cyn herio Awstralia’r wythnos ganlynol, gyda’r gyfres yn dod i ben yn erbyn De Affrica ar Dachwedd 23.
Dydy Cymru ddim wedi ennill yr un o’u naw gêm diwethaf.
