Jacobie Adriaanse
Mae prop y Scarlets Jacobie Adriaanse yn credu bod y Scarlets yn barod am yr her sydd o’i blaenau wrth iddyn nhw groesawu Caerloyw i Barc y Scarlets yng nghystadleuaeth y Cwpan LV nos yfory.
‘‘Mae ganddyn nhw garfan gystadleuol, rydym wedi paratoi’n drylwyr ac yn barod amdanynt. Mae’r bechgyn wedi ymarfer yn galed ac mae’r bechgyn ifanc sydd wedi dod i fewn i’r garfan wedi dod a’r egni newydd yma gyda nhw sy’n golygu ein bod yn gorfod gweithio’n galetach!’’ meddai Adriaanse.
Gydag un ar ddeg o’r chwaraewyr yng ngharfan Cymru sy’n paratoi ar gyfer Pencampwriaeth y Chwe Gwlad, a nifer o chwaraewyr allweddol allan oherwydd anafiadau, bydd nifer o wynebau newydd yng nghrys y Scarlet.
‘‘Rwyf wedi mwynhau pob eiliad gyda’r Scarlets cyn belled, mae hi’n gystadleuol ond yn sicr yn help i ni i ganolbwyntio ar y gêm ac i gadw ni ar flaenau ein traed,’’ ychwanegodd Adriaanse.
