Wedi curo Connacht yr wythnos diwethaf, dim ond dau newid sydd i’r tîm. Mae’r Albanwr John Barclay yn dychwelyd i’r safle blaen asgellwr, a’r clo Jo Snyman fydd yn cymryd lle George Earle wedi iddo dderbyn anaf i’w ben yr ythnos diwethaf.
‘‘Mae’n bwysig i sicrhau pwyntiau yr adeg yma oddi cartref. Fe wnaeth y bechgyn chwarae’n dda yr wythnos diwethaf i sicrhau’r fuddugoliaeth, ac mae’n bwysig i ni cynnal yr ymdrech a’r ymrwymiad ac i ailadrodd y perfformaid yna heno trwy gydol y gêm i sicrhau’r pwyntiau,’’ meddai Simon Easterby, rheolwr y Scarlets.
Tîm y Scarlets
Olwyr – Gareth Owen, Nick Reynolds, Gareth Maule, Adam Warren, Frazier Climo, Aled Thomas a Gareth Davies.
Blaenwyr – Phil John (Capten), Kirby Myhill, Jacobie Adriaanse, Jake Ball, Jo Snyman, Aaron Shingler, John Barclay a Sione Timani.
Eilyddion – Emyr Phillips, Rob Evans, Horatiu Pungea, Richard Kelly, Josh Turnbull, Aled Davies, Josh Lewis a Jordan Williams.
